آئی سی سی سے معاملات طے: پاکستان کی کرکٹ ڈپلومیسی سے بھارت میں آگ لگ گئی
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
قذافی اسٹیڈیم لاہور میں پاکستان کرکٹ بورڈ اور انٹرنیشنل کرکٹ کونسل کے درمیان اہم معاملات طے پانے کے بعد بھارت میں غیر معمولی ردعمل دیکھنے میں آیا ہے۔
خبر رساں اداروں کے مطابق فریقین کے درمیان ہونے والی بات چیت کو پاکستان کی سفارتی اور اسٹریٹجک کامیابی قرار دیا جا رہا ہے، جس پر بھارتی میڈیا اور کرکٹ حلقوں میں بے چینی پائی جاتی ہے۔
بھارتی نشریاتی اداروں اور اخبارات نے نہ صرف آئی سی سی بلکہ بھارتی کرکٹ بورڈ کو بھی تنقید کا نشانہ بنایا ہے۔
تجزیہ کاروں کا کہنا ہے کہ پاکستان نے نہایت منظم حکمت عملی کے ذریعے نہ صرف اپنے مؤقف کو مضبوطی سے پیش کیا بلکہ بنگلا دیش کو بھی اپنے نقطہ نظر کے قریب لانے میں کامیابی حاصل کی۔ بھارتی میڈیا میں بعض حلقوں نے اسے اپنی سفارتی ناکامی سے تعبیر کرتے ہوئے لکھا کہ عالمی کرکٹ کے معاملات پاکستان کی شمولیت کے بغیر آگے نہیں بڑھ سکتے۔
ذرائع کے مطابق بھارت کو موجودہ صورتحال میں عملی طور پر پاکستان کے ساتھ تعاون کی راہ اپنانا پڑ سکتی ہے۔
دوسری جانب حکام نے اعلان کیا ہے کہ حکومتی اجازت کے بعد پاکستانی ٹیم 15 فروری کو بھارت کے خلاف میچ میں شرکت کرے گی۔ اس اعلان کے بعد سوشل میڈیا پر بھی بحث کا نیا سلسلہ شروع ہو گیا ہے، جہاں صارفین اسے پاکستان کی کرکٹ ڈپلومیسی کی بڑی کامیابی قرار دے رہے ہیں۔
ماہرین کے مطابق یہ پیش رفت اس بات کا ثبوت ہے کہ پاکستان نے کرکٹ کو محض کھیل تک محدود نہیں رکھا بلکہ اسے سفارتی حکمت عملی کے طور پر استعمال کیا۔ عالمی سطح پر بھی اس پیش رفت کو اہم قرار دیا جا رہا ہے اور کہا جا رہا ہے کہ سخت ردعمل کے باوجود پاکستان نے اپنے مفادات کا بھرپور تحفظ کیا ہے۔
.
ذریعہ
ذریعہ: Jasarat News
کلیدی لفظ: پاکستان کی
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے