رمضان المبارک کا چاند آئندہ بدھ کو نظر آنے کا قوی امکان
اشاعت کی تاریخ: 11th, February 2026 GMT
کراچی: رواں برس ماہِ صیام کا چاند آئندہ بدھ کو نظر آنے کا قوی امکان ہے۔
محکمہ موسمیات کے مطابق رمضان المبارک 1447 ہجری کے چاند کی پیدائش پاکستان کے معیاری وقت کے مطابق 17 فروری 2026 کو شام 5 بج کر 01 منٹ پر ہوگی۔
ماہرین فلکیات کے مطابق پاکستان کے بیشتر علاقوں میں اگلے دن یعنی 18 فروری کو موسم جزوی ابر آلود یا صاف رہنے کی توقع ہے۔ یہی وجہ ہے کہ 29 شعبان 1447 ہجری کو رمضان کے چاند کو دیکھنے کے امکانات روشن ہیں، تاہم یہ دیکھنا ضروری ہوگا کہ فلکی حالات اور موسم کی صورت حال کس حد تک سازگار رہتی ہے۔
مختلف علاقوں میں چاند دیکھنے کے آخری اوقات بھی محکمہ موسمیات کی جانب سے جاری کیے گئے ہیں۔
آزاد کشمیر میں چاند دیکھنے کا آخری وقت شام 6 بج کر 58 منٹ ہوگا، بلوچستان میں شام 7 بج کر 47 منٹ، سندھ میں شام 7 بج کر 24 منٹ، خیبر پختونخوا میں شام 7 بج کر 13 منٹ، پنجاب میں شام 7 بج کر 08 منٹ جب کہ گلگت بلتستان میں شام 6 بج کر 53 منٹ تک چاند دیکھنے کے لیے موزوں وقت سمجھا گیا ہے۔
ماہرین کا کہنا ہے کہ یہ اوقات علاقے کی جغرافیائی اور موسمی صورتحال کے مطابق ہیں اور ہر علاقے میں چاند دیکھنے کا تجربہ مختلف ہو سکتا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل چاند دیکھنے کے مطابق
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار