بنگلہ دیش انتخابات: 299 نشتوں کے لیے 2,028 امیدوار میدان میں
اشاعت کی تاریخ: 11th, February 2026 GMT
بنگلہ دیش کے عام انتخابات میں 299 نشستوں کے لیے کل 2,028 امیدوار حصہ لے رہے ہیں جن میں 50 سیاسی جماعتوں اور آزاد امیدوار شامل ہیں۔
یہ بھی پڑھیں: بنگلہ دیش میں عام انتخابات کی تیاریاں مکمل، 394 بین الاقوامی مبصرین، 197 غیرملکی صحافی مشاہدہ کریں گے
الیکشن کمشنر بریگیڈیر جنرل (ریٹائرڈ) ابوالفضل محمد ثنااللہ کے مطابق ان میں سے 83 خواتین امیدوار ہیں۔
شیرپور-3 حلقے میں ایک امیدوار کی وفات کے باعث ووٹنگ مؤخر کر دی گئی ہے۔
الیکشن کمیشن کے اعداد و شمار کے مطابق کل امیدواروں میں سے 1,755 سیاسی جماعتوں کے امیدوار ہیں جبکہ 273 آزاد امیدوار ہیں۔
مزید پڑھیے: بنگلہ دیش میں 13ویں پارلیمانی انتخابات، 127 ملین سے زائد ووٹرز کل ووٹ کاسٹ کریں گے
خواتین امیدواروں میں سے 63 جماعتی اور 20 آزاد ہیں جبکہ مرد امیدواروں میں سے 1,692 جماعتی اور 253 آزاد امیدوار ہیں۔
ثنااللہ نے بتایا کہ پولنگ 12 فروری کو 300 میں سے 299 پارلیمانی نشستوں کے لیے ہوگی جس کے اوقات صبح 7:30 بجے سے شام 4:30 بجے تک رکھے گئے ہیں۔
مزید پڑھیں: بنگلہ دیش عام انتخابات 2026: کیا ہوگا، کب ہوگا اور کس کا کیا داؤ پر لگا ہے؟
الیکشن کمشنر نے مزید بتایا کہ اگر ووٹر پولنگ سینٹرز کے اندر 4:30 کے بعد انتظار کر رہے ہوں تو ان کے ووٹ قانون کے مطابق مکمل کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش انتخابات بنگلہ دیش عام انتخابات 2026.
ذریعہ
ذریعہ: WE News
کلیدی لفظ: بنگلہ دیش بنگلہ دیش انتخابات بنگلہ دیش عام انتخابات 2026 عام انتخابات امیدوار ہیں بنگلہ دیش کے لیے
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا