عراق جاتے ہوئے ایران میں گولیاں لگنے سے 6 نوجوان جاں بحق
اشاعت کی تاریخ: 12th, February 2026 GMT
منڈی بہاءالدین(نیوز ڈیسک)عراق جاتے ہوئے ایران میں گولیاں لگنے سے 6 نوجوان جاں بحق ہوگئے۔
خاندانی ذرائع کے مطابق مبینہ طور پر 6 نوجوان غیرقانونی طریقے سے بارڈر کراس کرتے ہوئے فورسز کی گولیوں کا نشانہ بنے، باسط اور الیان نامی نوجوانوں کا تعلق ساہنا اور ملکانوالہ سے ہے جبکہ 4 جاں بحق ہونے والوں نوجوانوں کا تعلق گوجرانوالہ سے ہے۔
لواحقین نے بتایا ہے کہ جاں بحق ہونے والوں کی عمریں 17 سے 25 سال تک ہیں، انسانی سمگلر نے نوجوانوں کو سبز باغ دکھا کر تیار کیا تھا، نوجوان بغیر پاسپورٹ ڈیڑھ ماہ قبل عراق جانے کے لیے روانہ ہوئے تاہم دونوں نوجوان اپنے والدین کے اکلوتے بیٹے تھے۔
ذرائع کا کہنا ہے کہ جاں بحق نوجوانوں کا لواحقین سے آخری رابطہ 19 دسمبر کو ہوا، واقعے کی اطلاع ملتے ہی علاقہ میں سوگ کی فضا قائم ہے۔
والدین نے حکومت سے مطالبہ کیا ہے کہ نوجوانوں کی لاشیں جلد واپس لائی جائیں اور انسانی سمگلنگ میں ملوث عناصر کے خلاف سخت کارروائی کی جائے۔
.
ذریعہ
ذریعہ: Daily Mumtaz
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا