بیع زبانی انتقال پر بورڈ آف ریونیو نے پابندی میں نرمی کردی
اشاعت کی تاریخ: 12th, February 2026 GMT
سٹی42: بورڈ آف ریونیو نے بیع زبانی (زبانی طور پر) انتقالات پر عائد پابندی میں نرمی کر دی ہے، جس سے متاثرہ افراد کو بڑی سہولت ملے گی۔
30 دسمبر کو بیع زبانی انتقالات پر پابندی عائد کی گئی تھی، لیکن اب اس پابندی میں نرمی کے حوالے سے 20 جنوری تک باقاعدہ نوٹیفکیشن جاری کر دیا گیا ہے۔
بورڈ آف ریونیو کی ہدایت کے مطابق پابندی سے قبل شروع کیے گئے بیع زبانی انتقالات کا عمل مکمل کیا جائے گا۔ مزید برآں 30 دسمبر 2025 سے قبل درج زبانی انتقالات کی توثیق بھی کی جائے گی۔
اوپن مارکیٹ میں اشیائے خوردونوش کی بڑھتی قیمتیں، شہریوں نے بڑا مطالبہ کر دیا
کمپیوٹرائزڈ مواضعات کے انتقالات کی تصدیق 20 فروری تک مکمل کرنا لازمی ہے۔ اسی طرح مینول مواضعات کی فہرستیں تیار کر کے متعلقہ دفاتر میں جمع کرانے کی ہدایت دی گئی ہے۔ اسسٹنٹ کمشنرز زبانی انتقالات کا مکمل ریکارڈ مرتب کریں گے اور تصدیقی عمل مکمل کر کے 25 فروری تک تعمیلی رپورٹ جمع کرائیں گے۔
واضح رہے کہ زرعی قرضوں کے رہن سے متعلق انتقالات پر پابندی عائد نہیں کی گئی۔
ذریعہ
ذریعہ: City 42
کلیدی لفظ: سٹی42 زبانی انتقالات
پڑھیں:
بی ایم ڈبلیو سے 5 لاکھ جرمانہ وصولی، ڈی ایچ اے ویجیلینس سے جواب طلب
کراچی:ایڈیشنل سیشن جج جنوبی نے بی ایم ڈبلیو تحویل میں لے کر پانچ لاکھ روپے جرمانہ وصولی پر ڈی ایچ اے ویجلنس، ایس ایس پی جنوبی اور ایس ایچ او ساحل کو نوٹس جاری کرتے ہوئے آئندہ سماعت پر جواب طلب کرلیا۔
ایکسپریس نیوز کے مطابق درخواست گزار نے ڈی ایچ اے ویجلنس پر گاڑی غیر قانونی طور پر قبضے میں لینے کا الزام عائد کیا ہے۔
درخواست گزار ارسلان خواجہ نے موقف اختیار کیا ہے کہ ڈی ایچ اے ویجلنس اہلکاروں نے اختیارات سے تجاوز کیا، بغیر شواہد درخواست گزار پر ڈرفٹنگ اور ڈونٹس کا الزام لگایا گیا، 25 سے 30 اہلکاروں نے گاڑی کو گھیر کر تحویل میں لیا، بی ایم ڈبلیو گاڑی ضبط کرکے ڈی ایچ اے ویجلنس دفتر منتقل کی گئی اور 5 لاکھ روپے جرمانہ عائد کیا۔
درخواست گزار نے وکیل کے توسط سے کہا کہ گاڑی کی رہائی کے لیے 5 لاکھ روپے طلب کیے گئے، ڈی ایچ اے ویجلنس کو گاڑیاں ضبط کرنے کا اختیار حاصل نہیں، شہریوں کو روکنے اور جرمانہ عائد کرنے کا اختیار صرف پولیس کے پاس ہے، ڈی ایچ اے ویجلنس پولیس فورس نہیں، ویجلنس حکام کے اقدامات اختیارات کے ناجائز استعمال کے مترادف ہیں، درخواست میں بھتہ خوری، غیر قانونی حراست اور دھمکیوں کے الزامات عائد کیے گئے ہیں۔
درخواست پر عدالت نے فریقین کو نوٹس جاری کرتے ہوئے 5 جون کو جواب طلب کرلیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ