پاکستان کے الیکٹروآپٹیکل سیٹلائٹ کی کامیاب روانگی، خلائی پروگرام کو نئی تقویت
اشاعت کی تاریخ: 12th, February 2026 GMT
پاکستان اسپیس اینڈ اپر ایٹموسفیئر ریسرچ کمیشن یعنی سپارکو نے جمعرات کے روز پاکستان کے دوسرے مقامی طور پر تیار کردہ الیکٹرو آپٹیکل سیٹلائٹ (EO-2) کی کامیاب لانچنگ کا اعلان کیا ہے۔
یہ سیٹلائٹ چین کے یانگ جیانگ سی شور لانچ سینٹر سے خلا میں بھیجا گیا۔
یہ بھی پڑھیں: اسپارکو کا اہم سنگِ میل، پاکستانی خلابازوں کے انتخاب کا دوسرا مرحلہ مکمل
سپارکو کی جانب سے جاری بیان میں کہا گیا ہے کہ یہ سنگِ میل سیٹلائٹ کی تیاری میں پاکستان کی بڑھتی ہوئی صلاحیتوں اور قومی خلائی پروگرام کی مسلسل مضبوطی کو اجاگر کرتا ہے۔
گزشتہ برس جنوری میں پاکستان نے اپنا پہلا مقامی سیٹلائٹ (EO-1) کی لانچنگ کے بعد 26-2025 کے دوران ہائپر اسپیکٹرل HS-1 اور PRSS-2 جیسے اہم منصوبے ممکمل کیے جاچکے ہیں۔
Pakistan’s PRSC-EO2 Earth observation satellite has been successfully placed into its designated orbit.
— Mohsin Ali (@Mohsin_o2) February 12, 2026
اس تناظر میں حالیہ پیش رفت قومی خلائی پروگرام کی رفتار کو مزید نمایاں کرتی ہے۔
پاکستانی خلائی ادارے نے جنوری 2025 میں اپنا پہلا مقامی مشاہداتی سیٹلائٹ EO-1 خلا میں بھیجا تھا۔
اس نوعیت کے سیٹلائٹ الیکٹرو آپٹیکل سینسرز کی مدد سے زمین کی سطح سے منعکس ہونے والی دھوپ یا خارج ہونے والی شعاعوں کی پیمائش کر کے ڈیٹا اور تصاویر حاصل کرتے ہیں۔
سپارکو کے مطابق EO-2 کا تصور، انجینئرنگ اور انضمام پاکستان میں سپارکو کے سیٹلائٹ ریسرچ اینڈ ڈیولپمنٹ سینٹرمیں مکمل کیا گیا۔
بیان میں کہا گیا کہ اندرونِ ملک تحقیق اور سسٹمز انجینئرنگ کے ذریعے تیار کیا جانے والا یہ سیٹلائٹ ڈیزائن، پے لوڈ انٹیگریشن، جانچ اور مشن تیاری کے شعبوں میں قومی صلاحیتوں میں اضافے کا مظہر ہے۔
مزید پڑھیں: پراسرار سیارچہ خلائی مخلوق کا بھیجا گیا کوئی مشن ہوسکتا ہے، ہارورڈ کے سائنسدان کا دعویٰ
EO-2 کو پہلے سے مدار میں موجود EO-1 سیٹلائٹ کے ساتھ ہم آہنگی میں کام کرنے کے لیے ڈیزائن کیا گیا ہے۔ یہ مختلف روشنی کے حالات میں زمین کا مشاہدہ کر سکتا ہے، جس سے زمینی خدوخال کی بہتر تشریح اور تبدیلیوں کی زیادہ قابلِ اعتماد نشاندہی ممکن ہو سکے گی۔
دونوں سیٹلائٹس کی مشترکہ کارکردگی قومی مقاصد کے لیے تسلسل کے ساتھ معیاری تصاویر اور تجزیاتی درستگی فراہم کرے گی۔
مزید پڑھیں: پاکستان کا سیٹلائٹ امیجری اور اے آئی کے ذریعے بحری تحفظ اور ماحولیاتی خطرات سے نمٹنے کا منصوبہ
سپارکو کے مطابق EO-2 کی شمولیت سے پاکستان کے ارتھ آبزرویشن فلیٹ کو مزید تقویت ملے گی اور قومی استعمال کے لیے ڈیٹا کی دستیابی میں بہتری آئے گی۔
یہ مشن اطلاقی تحقیق، ماہر افرادی قوت کی تیاری اور مقامی خلائی ڈھانچے کی منظم توسیع پر سپارکو کی توجہ کا مظہر ہے۔
جس کا مقصد ایسے قابلِ اعتماد اور مقامی طور پر تیار کردہ خلائی نظام وضع کرنا ہے جو منصوبہ بندی، طرزِ حکمرانی اور وسائل کے مؤثر انتظام میں براہِ راست معاون ثابت ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سپارکو
ذریعہ
ذریعہ: WE News
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا