حوزہ علمیہ قم میں دفاعِ ولایت کانفرنس اور احتجاجی جلسہ

اشاعت کی تاریخ: 12th, February 2026 GMT

اپنے خطاب میں مولانا نصرت عباس بخاری نے اسلام آباد کے افسوسناک دھماکے کی شدید مذمت کی اور شہداء کے لواحقین سے اظہارِ ہمدردی کیا۔ انہوں نے کہا کہ ایسے واقعات امتِ مسلمہ کو کمزور کرنے کی سازش ہیں، جن کا مقابلہ اتحاد، بیداری اور باہمی ہم آہنگی سے کیا جا سکتا ہے۔ انہوں نے نوجوان نسل کو مثبت کردار ادا کرنے اور علمی و اخلاقی میدان میں آگے بڑھنے کی تلقین کی۔ چھوٹی تصاویر تصاویر کی فہرست سلائیڈ شو

حوزہ علمیہ قم میں دفاعِ ولایت کانفرنس اور احتجاجی جلسہ، ملانا نصرت بخاری سمیت دیگر علماء کا خطاب

اسلام ٹائمز۔ حوزہ علمیہ قم میں طلابِ اردو زبان کی جانب سے “دفاعِ ولایت کانفرنس” اور اسلام آباد میں حالیہ دھماکے کے خلاف ایک پُرامن احتجاجی اجتماع منعقد کیا گیا، جس میں بڑی تعداد میں علماء، طلباء اور مختلف ملی و دینی تنظیموں کے نمائندگان نے شرکت کی۔ اجتماع کا مقصد رہبرِ معظم کی حمایت کا اعادہ، قومی یکجہتی کا اظہار اور دہشت گردی کے واقعات کی مذمت تھا۔ پروگرام کا آغاز تلاوتِ کلامِ پاک سے ہوا، تلاوت کے فرائض قاری بشارت امامی نے انجام دیئے، جس کے بعد شاعر محترم صائب جعفری نے اشعار پیش کیے۔ شرکاء نے بانگِ تکبیر کے ذریعے اپنے جذبات کا اظہار کیا اور اتحادِ امت کا پیغام دیا۔ پروگرام میں نظامت کے فرائض مولانا یاسین مجلسی نے انجام دیئے۔ اجتماع سے خطاب کرتے ہوئے مولانا سید مراد رضا رضوی نے کہا کہ موجودہ دور میں فکری بصیرت اور دینی شعور کی ضرورت پہلے سے کہیں زیادہ ہے۔ انہوں نے رہبرِ معظم کی قیادت کو امتِ مسلمہ کے لیے وحدت و استقامت کی علامت قرار دیتے ہوئے کہا کہ طلابِ علومِ دینیہ کا فرض ہے کہ وہ معاشرے میں شعور، صبر اور استقامت کا پیغام عام کریں۔

مولانا نصرت عباس بخاری نے اپنے خطاب میں اسلام آباد کے افسوسناک دھماکے کی شدید مذمت کی اور شہداء کے لواحقین سے اظہارِ ہمدردی کیا۔ انہوں نے کہا کہ ایسے واقعات امتِ مسلمہ کو کمزور کرنے کی سازش ہیں، جن کا مقابلہ اتحاد، بیداری اور باہمی ہم آہنگی سے کیا جا سکتا ہے۔ انہوں نے نوجوان نسل کو مثبت کردار ادا کرنے اور علمی و اخلاقی میدان میں آگے بڑھنے کی تلقین کی۔ اجتماع کے اختتام پر تمام شریک ملی تنظیموں، اداروں اور حوزہ علمیہ قم کے اردو زبان طلاب کی جانب سے ایک مشترکہ بیانیہ جاری کیا گیا، جس کو مولانا سید کمیل شیرازی نے پیش کیا جس میں رہبرِ معظم کی حمایت، دہشت گردی کی مذمت، اور امتِ مسلمہ کے درمیان اتحاد و یکجہتی کو فروغ دینے کے عزم کا اعادہ کیا گیا۔ بیانیے میں اس بات پر زور دیا گیا کہ اختلافات کے باوجود قومی اور دینی وحدت کو برقرار رکھنا وقت کی اہم ضرورت ہے۔ پروگرام کے آخر میں شہداء کے لیے فاتحہ خوانی اور زخمیوں کی صحت یابی کے لیے دعائے خیر کی گئی۔.

ذریعہ

ذریعہ: Islam Times

کلیدی لفظ: ولایت کانفرنس اور احتجاجی جلسہ حوزہ علمیہ قم میں دفاع انہوں نے کہا کہ

پڑھیں:

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔

بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔

حوزہ علمیہ قم میں دفاعِ ولایت کانفرنس اور احتجاجی جلسہ

نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر