سپریم کورٹ، بانی پی ٹی آئی کا طبی معائنہ اور بچوں سے بات کرانیکا حکم
اشاعت کی تاریخ: 12th, February 2026 GMT
اسلام آباد(نیوزڈیک )سپریم کورٹ نے حکومت کو بانی پی ٹی آئی کا طبی معائنہ اور بچوں سے بات کرانے کا حکم دیدیا۔ جیل میں مناسب جگہ اور سہولتوں پر عدالت نے اطیمنان کا اظہار کیا۔
سپریم کورٹ نے بانی پی ٹی کی جیل میں حالت اور سہولیات کے معاملے کی سماعت میں فرینڈ آف کورٹ سلمان صفدر نے رپورٹ کی سفارشات پڑھ کر سنا دیں۔ سلمان صفدر نے کہا کہ بانی پی ٹی آئی کی صحت سے متعلق فوری مداخلت کی ضرورت ہے۔
فرینڈ آف کورٹ سلمان صفدر نے استدعا کی کہ طبی معائنہ کسی فیملی ممبر کی موجودگی میں کرایا جائے ۔ عدالت نے فیملی ممبر کی موجودگی کو کورٹ آرڈر کا حصہ بنانے کی استدعا مسترد کردی ۔ چیف جسٹس یحییٰ آفریدی نے ریمارکس دیے اب یہ ہم سے نہ کرائیں ۔ فیملی ممبران کی ملاقات کا کیس الگ عدالت کے سامنے ہے ۔
جسٹس یحییٰ آفریدی نے کہا ہمیں سپرنٹنڈنٹ جیل اور سلمان صفدر دونوں کی رپورٹس میں ایک بات مشترک ہے کہ بانی کو مناسب جگہ اور سہولیات میسر ہیں ۔ صحت کے معاملے پر تشویش کا اظہار کیا گیا ہے ۔ اٹارنی جنرل بتائیں حکومت کیا کرسکتی ہے۔
اٹارنی جنرل نے کہا ہم سولہ فروری سے پہلے طبی ماہرین کے ذریعے بانی کا دوبارہ معائنہ کروادیں گے ۔ چیف جسٹس نے کہا حکومت اچھے موڈ میں لگ رہی ہے تو بچوں سے بات کا معاملہ بھی دیکھ لیں جس پر اٹارنی جنرل منصور عثمان اعوان نے کہا جی ہم فون پر بچوں سے بات بھی کروا دیں گے ۔
سلمان صفدر نے بانی پی ٹی آئی کو کتابیں مہیا نہ کرنے کی شکایت کی تو چیف جسٹس نے ریمارکس دیے میرا مشورہ ہے ان کی آنکھ خراب ہے تو کتابیں نہ ہی پڑھیں۔ اگر ڈاکٹر صاحبان اجازت دے دیں تو کتابیں بھی فراہم کردیں ۔
توشہ خانہ فوجداری ٹرائل کیخلاف درخواست پر فیصلہ محفوظ
توشہ خانہ فوجداری ٹرائل کیخلاف بانی پی ٹی آئی کی درخواست پر فیصلہ محفوظ کرلیا گیا، چیف جسٹس آف پاکستان نے ریمارکس دیے کہ توشہ خانہ میں ٹرائل کورٹ نے فیصلہ دے دیا تھا، اب اس فیصلے کیخلاف اپیل بھی ہائیکورٹ میں زیرسماعت ہے، کیا یہ کیس یہاں غیر موثر نہیں ہوجاتا؟ جس پر لطیف کھوسہ نے کہا کہ ٹرائل کورٹ کے فیصلہ کے بعد سپریم کورٹ کے 3رکنی بنچ نے حکمنامہ جاری کیا، عدالت اس معاملے کو یہاں دیکھ سکتی ہے۔
وکیل نے کہا کہ عدالت چاہے تو گھڑی واپس کرکے ٹرائل غیرقانونی قرار دے سکتی ہے، یہ نوٹ کرلیں کہ آج 2 رکنی بینچ ہے،پہلے آرڈر 3رکنی بینچ نے کیا تھا۔ چیف جسٹس نے کہا کہ ہم عدالت کا سابقہ آرڈر دیکھ کر مناسب حکمنامہ جاری کریں گے، ہم اس کیس کا فیصلہ محفوظ کر رہے ہیں۔
.
ذریعہ
ذریعہ: Daily Mumtaz
کلیدی لفظ: بانی پی ٹی ا ئی بچوں سے بات سپریم کورٹ نے کہا کہ چیف جسٹس
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا