کاروباری تنازع پر اغوا برائے تاوان کا مقدمہ‘فیصلہ محفوظ
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر) سندھ ہائی کورٹ میںکاروباری تنازع پر اغوا برائے تاوان کا مقدمہ درج کرنے کا معاملہ عدالت نے دو درخواستوں پر فیصلہ محفوظ کرلیا۔سندھ ہائیکورٹ میں کاروباری تنازع پر اغوا برائے تاوان کا مقدمہ درج کرنے سے متعلق کیس کی سماعت ہوئی جہاں درخواست گزار کے وکیل کا کہنا تھا درخواست گزار نے اپنے خلاف مسلسل مقدمات کے اندراج اور ہراسانی کے خلاف درخواست دائر کی ہے،عدالتی احکامات کے باوجود گھر پر چھاپے مارے گئے، پولیس نے تاحال درخواست گزار کے خلاف مقدمات کی تفصیلات نہیں دی ہیں،عدالت نے تفتیشی افسر سے استفسار کیا کہ چیک باؤنس کیس کی تحقیقات کہاں تک پہنچی؟ سرکاری وکیل کا کہنا تھا کہ عدالت نے تحقیقات سے روکا ہوا ہے، عدالت کا کہنا تھا کہ عدالت نے چھاپے سے روکا تھا تحقیقات سے نہیں روکا، اپ بینک سے ریکارڈ حاصل کرلیتے، پتہ ہے کہ بندہ بیرون ملک ہے پھر بھی چھاپہ مارا گیا؟ سنگین جرم ہو تو چھاپہ مارا جاتا ہے، چیک باؤنس میں چھاپہ کیوں مارا گیا؟ اغوا برائے تاوان کے مقدمے کی تحقیقات ضروری ہے، عدالت تحقیقات سے نہیں روک سکتی،درخواست گزار کو دو ہفتوں میں سرینڈر کی ہدایت کرتے ہیں، ہم تحقیقات میں مداخلت نہیں کررہے، قانون کے مطابق کیس کو منطقی انجام تک پہنچائیں۔
ذریعہ
ذریعہ: Jasarat News
کلیدی لفظ: اغوا برائے تاوان درخواست گزار عدالت نے
پڑھیں:
روینہ ٹنڈن کی والدہ کے گھر بڑی چوری، لاکھوں روپے مالیت کے زیورات غائب
بالی وڈ اداکارہ روینہ ٹنڈن کی والدہ کے گھر ممبئی میں چوری کی بڑی واردات سامنے آئی ہے جس میں تقریباً 25 لاکھ روپے مالیت کے زیورات اور قیمتی گھڑیاں چوری کرلی گئیں۔
بھارتی میڈیا رپورٹس کے مطابق واقعہ ممبئی کے علاقے جوہو میں پیش آیا، جہاں روینہ ٹنڈن کی والدہ کے گھر سے قیمتی سامان اس وقت غائب پایا گیا جب اہل خانہ نے لاکر چیک کیا۔ لاکر کھولنے پر زیورات اور گھڑیاں موجود نہ ہونے کا انکشاف ہوا، جس کے بعد فوری طور پر پولیس کو اطلاع دی گئی۔
پولیس نے واقعے کی تصدیق کرتے ہوئے بتایا کہ ابتدائی تحقیقات میں معلوم ہوا ہے کہ تقریباً 25 لاکھ روپے مالیت کے زیورات اور گھڑیاں چوری ہوئی ہیں۔ معاملے کی سنگینی کے پیش نظر تحقیقات کا دائرہ وسیع کردیا گیا ہے۔
پولیس کے مطابق اس کیس میں ایک خاتون کو گرفتار کیا گیا ہے جس کا تعلق روینہ ٹنڈن کے خاندان سے ہی بتایا جا رہا ہے۔ ملزمہ کی شناخت 47 سالہ راشی چھابریا کے نام سے ہوئی ہے۔
تحقیقات میں یہ بات بھی سامنے آئی ہے کہ مذکورہ خاتون 2020 سے اداکارہ کے گھر آ جا رہی تھی اور اس دوران اس نے گھر والوں کا اعتماد حاصل کر لیا تھا۔ وہ روینہ ٹنڈن کی والدہ کی مدد اور دیکھ بھال بھی کرتی رہی۔
پولیس نے مزید بتایا کہ گرفتار ملزمہ کے قبضے سے کچھ قیمتی گھڑیاں برآمد کر لی گئی ہیں، تاہم باقی زیورات کی بازیابی کے لیے مزید تحقیقات جاری ہیں تاکہ مکمل ریکوری ممکن بنائی جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ