عمانی کرکٹر محمد ندیم نے ٹی20 ورلڈکپ میں سست ترین ففٹی کا ریکارڈ برابر کر دیا
اشاعت کی تاریخ: 12th, February 2026 GMT
43 سالہ عمانی کرکٹر محمد ندیم نے پاکستانی کرکٹر محمد رضوان کے آئی سی سی ٹی ٹوئنٹی ورلڈکپ کی تاریخ کے سست ترین ففٹی کے ریکارڈ کو برابر کر دیا ہے۔
یہ واقعہ جمعرات کو آئی سی سی مینز ٹی ٹوئنٹی ورلڈکپ کے میچ میں پیش آیا، جب سری لنکا اور عمان کی ٹیمیں آمنے سامنے تھیں۔ میچ میں سری لنکا نے عمان کو 105 رنز سے شکست دی۔ ہوم ٹیم نے مقررہ اوورز میں 5 وکٹ پر 225 رنز بنائے جبکہ عمان کی ٹیم نے 9 وکٹ پر 120 رنز بنائے۔
اگرچہ عمان کی ٹیم ہار گئی، لیکن ہدف کے تعاقب کے دوران محمد ندیم نے 52 گیندوں پر نصف سنچری اسکور کی اور 53 رنز بنا کر ناٹ آؤٹ رہے۔ اس دوران انہوں نے ٹی ٹوئنٹی ورلڈکپ کی تاریخ کی سست ترین ففٹی کا ریکارڈ برابر کر دیا۔
اس سے قبل 2024 کے ٹی ٹوئنٹی ورلڈکپ میں پاکستان کے محمد رضوان نے بھی کینیڈا کے خلاف 52 گیندوں پر ففٹی اسکور کی تھی۔
واضح رہے کہ محمد ندیم ٹی ٹوئنٹی ورلڈکپ میں نصف سنچری اسکور کرنے والے سب سے عمر رسیدہ کرکٹر بھی بن گئے ہیں، جو ان کی اس ریکارڈ ساز اننگز کو خاص اہمیت دیتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ٹی ٹوئنٹی ورلڈکپ
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا