بجلی کے ترسیلی نقصانات 600 ارب روپے تجاوز کر جانے کا انکشاف
اشاعت کی تاریخ: 12th, February 2026 GMT
اسلام آباد: (نیوزڈیسک) دو سال میں بجلی کے ترسیلی نقصانات 600 ارب روپے سے تجاوز کر جانے کا انکشاف ہوا ہے۔
دسمبر 2025 تک ملک بھر میں نیٹ میٹرنگ کی استعداد 7 ہزار میگا واٹ تک پہنچ گئی، ملک بھر میں بجلی کے پروٹیکٹڈ صارفین کی تعداد 2 کروڑ 15 لاکھ 50 ہزار تک پہنچ گئی۔
قومی اسمبلی کے وقفہ سوالات میں وفاقی وزیر پاور ڈویژن اویس لغاری نے تحریری جوابات جمع کرا دیئے۔
حکومت نے ملک بھر کے 12 ہزار 665 فیڈرز میں سے 2ہزار 223 فیڈرز پر 10 گھنٹے سے زائد لوڈ شیڈنگ کا اعتراف کیا ہے۔
کوئٹہ الیکٹرک سپلائی کمپنی کے 814 میں سے 604 فیڈرز پر 10 گھنٹے سے زائد لوڈ شیڈنگ ہے، سیپکو کے 707 میں سے 407 فیڈرز پر 10 گھنٹے سے زائد لوڈ شیڈنگ ہے۔
ٹیسکو کے 357 میں سے 174، پیسکو کے 1376 میں سے 642 فیڈرز پر 10 گھنٹے سے زائد لوڈ شیڈنگ کی جا رہی ہے۔
حیسکو کے 747 میں سے 322، ہزارہ الیکٹرک کمپنی کے 286 میں سے 37 فیڈرز پر 10 گھنٹے سے زائد لوڈ شیڈنگ ہو رہی ہے۔
لیسکو، آئیسکو، گیپکو اور فیسکو کے کسی فیڈر پر 10 گھنٹے سے زائد لوڈ شیڈنگ نہیں ہے۔
جولائی سے دسمبر 2025 کے درمیان بجلی صارفین نے آٹھ ارب 78 کروڑ 7 لاکھ 111 یونٹ بجلی استعمال کی۔
11 تقسیم کار کمپنیوں کے صارفین کی مجموعی تعداد تین کروڑ 92 لاکھ 20 ہزار 38 ہے، ملک بھر میں بجلی کے پروٹیکٹڈ صارفین کی تعداد 2 کروڑ 15 لاکھ 50 ہزار تک پہنچ گئی، اکتوبر 2021 میں پروٹیکٹڈ صارفین کی تعداد 95 لاکھ تھی۔
تحریری جواب کے مطابق دسمبر 2025 تک ملک بھر میں نیٹ میٹرنگ کی استعداد 7 ہزار میگا واٹ تک پہنچ گئی، آف گرڈ سولر کی استعداد 12.
دو سال میں بجلی کے ترسیلی نقصانات 600 ارب روپے سے تجاوز کر جانے کا انکشاف ہوا، مالی سال 25-2024 میں بجلی کے ترسیلی نقصانات 284 ارب روپے رہے، مالی سال 24-2023 میں ترسیلی نقصانات 322 ارب روپے تھے۔
تحریری جواب کے مطابق پشاور الیکٹرک سپلائی کمپنی کے ترسیلی نقصانات 96 ارب روپے تک پہنچ گئے، کیسکو 51، لیسکو 46 ارب، سیپکو 37 ارب جبکہ حیسکو کے ترسیلی نقصانات 22 ارب روپے ہیں۔
ذریعہ
ذریعہ: Daily Mumtaz
پڑھیں:
ویپنگ کے نقصانات: نئی تحقیق میں صحت کے سنگین خطرات سے خبردار
اسلام آباد: ویپنگ کے نقصانات سے متعلق سامنے آنے والی نئی تحقیق نے ای سگریٹ استعمال کرنے والوں کے لیے خطرے کی گھنٹی بجا دی ہے۔ ماہرین صحت کا کہنا ہے کہ ویپنگ کو عام سگریٹ کا محفوظ متبادل سمجھنا ایک غلط فہمی ہے، کیونکہ اس کے استعمال سے بھی انسانی صحت پر سنگین منفی اثرات مرتب ہو سکتے ہیں۔
تحقیقی رپورٹ کے مطابق ویپ استعمال کرنے والے افراد کے منہ اور پھیپھڑوں کے خلیوں میں ڈی این اے کو نقصان پہنچنے کے شواہد ملے ہیں۔ ماہرین کے مطابق ڈی این اے میں خرابی مختلف بیماریوں، خصوصاً کینسر کے خطرات میں اضافے کا باعث بن سکتی ہے۔
ماہرین کا کہنا ہے کہ اگرچہ ویپ میں روایتی تمباکو موجود نہیں ہوتا، لیکن اس میں شامل مختلف کیمیکلز اور فلیورز انسانی خلیوں پر منفی اثرات مرتب کر سکتے ہیں۔ تحقیق میں یہ بھی سامنے آیا ہے کہ پوڈ سسٹم پر مبنی ویپ استعمال کرنے والے افراد میں خلیاتی نقصان نسبتاً زیادہ دیکھا گیا۔
سائنس دانوں کے مطابق ویپنگ اور روایتی سگریٹ نوشی کا طریقہ کار مختلف ضرور ہے، تاہم دونوں صورتوں میں جسم کو نقصان پہنچنے کا خطرہ موجود رہتا ہے۔ بعض مطالعات میں ویپ استعمال کرنے والوں کے خلیوں میں ہونے والے ڈی این اے نقصان کی سطح سگریٹ نوش افراد کے قریب پائی گئی۔
ماہرین صحت نے خبردار کیا ہے کہ نوجوانوں میں ویپنگ کا بڑھتا ہوا رجحان مستقبل میں صحت عامہ کے لیے ایک بڑا چیلنج بن سکتا ہے۔ ان کا کہنا ہے کہ ای سگریٹ کو محفوظ متبادل سمجھ کر استعمال کرنے کے بجائے اس سے مکمل اجتناب اختیار کرنا زیادہ بہتر ہے۔
ماہرین نے عوام کو مشورہ دیا ہے کہ وہ ویپنگ کے نقصانات کو سنجیدگی سے لیں اور اپنی صحت کے تحفظ کے لیے ایسی تمام مصنوعات سے حتیٰ الامکان دور رہیں، کیونکہ نئی سائنسی تحقیقات کے نتائج اس بات کی نشاندہی کرتے ہیں کہ ویپنگ بھی انسانی جسم کے لیے خطرناک ثابت ہو سکتی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا