سپریم کورٹ نے عمران خان کو بنی گالہ منتقلی کا حکم دیا تو حکومت اسے تسلیم کرے گی، رانا ثنااللہ
اشاعت کی تاریخ: 12th, February 2026 GMT
وزیراعظم شہباز شریف کے مشیر برائے سیاسی امور رانا ثنااللہ نے کہا ہے کہ اگر سپریم کورٹ نے عمران خان کو بنی گالہ منتقل کرنے کا حکم دیا تو حکومت حکم پر عمل کرے گی۔
نجی ٹی وی سے گفتگو کرتے ہوئے رانا ثنااللہ نے کہا کہ انہوں نے عمران خان کی میڈیکل رپورٹ مکمل طور پر نہیں پڑھی، میڈیا سے اس بارے میں معلومات ملی ہیں، رپورٹ میں عمران خان کو جیل میں میسر جو سہولیات سامنے آئی ہیں وہ وہی سہولتیں ہیں جو انہیں شروع سے حاصل ہیں۔ پی ٹی آئی مسلسل پروپیگنڈا کرتی رہی کہ انہیں کوئی سہولت حاصل نہیں اور وہ قید تنہائی میں ہیں، انہیں کھانے پینے کی کوئی سہولت نہیں دی جاتی۔
یہ بھی پڑھیں: عمران خان سے ملاقات، سلمان صفدر کی 7 صفحات پر مشتمل رپورٹ سپریم کورٹ میں جمع
انہوں نے کہا کہ سپرنڈنٹ جیل نے جو رپورٹ پیش کی ہے اسی سے ملتی جلتی رپورٹ عمران خان کے وکیل سلمان صفدر نے بھی سپریم کورٹ میں جمع کروائی ہے۔ چیف جسٹس نے بھی کہا ہے کہ انہوں نے دونوں رپورٹس دیکھی ہیں جو آپس میں ایک جیسی ہیں۔ یہ بات طے ہوگئی ہے کہ عمران خان کو سہولیات حاصل ہیں۔ قائد نواز شریف سمیت ہمارا ہمیشہ مؤقف رہا ہے کہ جیل مینوئل کے تحت انہیں سہولیات ملنی چاہیے۔
رانا ثنااللہ نے کہا کہ کہا گیا ہے کہ اکتوبر سے عمران خان کی آنکھ کو مسئلہ ہے۔ میں سمجھتا ہوں کہ اگر حکومت ان کی صحت پر سیاست کرے تو یہ جرم ہے اور اگر پی ٹی آئی سیاست کرے تو وہ بھی جرم ہے۔ یہ غلط بات ہے کہ اکتوبر سے انہیں یہ مسئلہ تھا۔ 2 دسمبر کو عظمیٰ خان کی عمران خان سے ملاقات ہوئی، اس وقت کیا عمران خان یہ نہیں بتا سکتے تھے کہ ان کی آنکھ میں مسئلہ ہے اور ان کی آنکھ کی بینائی اتنی فیصد جا چکی ہے۔
انہوں نے کہا کہ عمران خان کو آنکھ کا مسئلہ 2 دسمبر کے بعد ہوا، جس کے بعد جیل حکام نے اسپیشلسٹ کو بلایا، جنہوں نے عمران خان کی آنکھ کے ٹیسٹ کیے اور پھر تجویز کیا کہ ان کا علاج فلاں اسپتال میں ہوگا۔
یہ بھی پڑھیں: پی ٹی آئی نے عمران خان کی سیاست ترک کردی، رانا ثنااللہ
ان کا کہنا تھا کہ بیرسٹر صفدر نے جو کہا کہ عمران خان کی ایک آنکھ لال ہے وہ غصے سے لال تھی۔ اس سے قبل اسپیشلسٹ نے ان کی آنکھ کا معائنہ کیا تھا اور کہا تھا کہ انہیں انجکشن لگنا ہے۔ وہ انجکشن جیل کے اسپتال میں بھی لگ سکتا تھا تاہم انہیں پمز شفٹ کیا گیا۔ جیل حکام نے اپنی ذمہ داری پوری طرح سے نبھائی ہے۔
انہوں نے کہا کہ پمز میں آنکھوں کے بہترین ڈاکٹرز ہیں، تاہم اگر عمران خان کسی اور جگہ سے چیک کروانا چاہتے ہیں تو کینسر کے اسپتال سے نہیں کروائیں گے۔ اگر وہ شفا اسپتال میں جانا چاہتے ہیں تو وہاں بھی ان کا معائنہ ہوگا۔ اگر سپریم کورٹ انہیں بیرون ملک منتقل کرنے یا ملک کے کسی اسپتال میں منتقل کرنے کا حکم دیتی ہے تو حکومت حکم مانے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اڈیالہ جیل آنکھ بنی گالہ بیرون ملک پی ٹی آئی رانا ثنا سپریم کورٹ عمران خان وفاقی حکومت.
ذریعہ
ذریعہ: WE News
کلیدی لفظ: اڈیالہ جیل ا نکھ بنی گالہ بیرون ملک پی ٹی ا ئی سپریم کورٹ وفاقی حکومت رانا ثنااللہ عمران خان کی عمران خان کو اسپتال میں سپریم کورٹ ان کی آنکھ نے کہا کہ انہوں نے
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا