وزیر اعظم شہباز شریف کا ترکیہ کے ساتھ اقتصادی شراکت داری کے فروغ کا عزم
اشاعت کی تاریخ: 12th, February 2026 GMT
وزیرِاعظم محمد شہباز شریف نے ترکیہ کے ساتھ برادرانہ تعلقات اور اقتصادی شراکت داری کو مزید مستحکم بنانے کے عزم کا اعادہ کیا ہے۔
وہ آج اسلام آباد میں ترک زرعی ٹیکنالوجیز کلسٹر کے چیئرمین عبدالقادر کاراگوز کی قیادت میں آئے ہوئے وفد سے گفتگو کر رہے تھے۔
وزیرِاعظم نے کہا کہ پاکستان اور ترکیہ کے درمیان زراعت اور لائیو اسٹاک کے شعبوں میں تعاون کے فروغ کے بے شمار مواقع موجود ہیں۔ انہوں نے زرعی پیداوار اور مویشی پالنے کے شعبے میں جدید ٹیکنالوجی کے استعمال سے ترکیہ کی نمایاں ترقی کو سراہتے ہوئے کہا کہ پاکستان بھی اپنے زرعی شعبے کو جدت اور جدید تقاضوں سے ہم آہنگ کرنے کے لیے پُرعزم ہے۔
شہباز شریف کا کہنا تھا کہ قدرت نے پاکستان کو زرعی شعبے میں بے پناہ وسائل سے نوازا ہے اور ان وسائل سے بھرپور استفادہ کرنے کے لیے جدید ٹیکنالوجی کو بروئے کار لایا جا رہا ہے۔ انہوں نے کہا کہ پاکستان اور ترکیہ عالمی فوڈ ویلیو چین میں مشترکہ طور پر اہم کردار ادا کر سکتے ہیں۔
اس موقع پر ترک زرعی ٹیکنالوجیز کلسٹر کے چیئرمین عبدالقادر کاراگوز نے کہا کہ ترکیہ اور پاکستان کی برادر قیادت کاروباری برادری کے مابین تعاون کے فروغ کے لیے مشعلِ راہ ہے۔
انہوں نے زرعی پیداوار میں اضافے کے لیے جدید ٹیکنالوجی کے استعمال پر بریفنگ بھی دی اور دونوں ممالک کے درمیان زراعت اور لائیو اسٹاک کے شعبوں میں تعاون کو مزید وسعت دینے کی خواہش کا اظہار کیا۔
.
ذریعہ
ذریعہ: Al Qamar Online
کلیدی لفظ: پاکستان کھیل کہا کہ کے لیے
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے