ہمارے شام میں اب بھی 1 ہزار فوجی موجود ہیں، امریکی عہدیدار
اشاعت کی تاریخ: 12th, February 2026 GMT
2014ء میں امریكہ نے اُس وقت كی شامی حکومت (بشار الاسد) کی درخواست کے بغیر ہی اپنی فوجیں شام میں داخل کر دیں تھیں۔ اسلام ٹائمز۔ آج شب ایک امریکی عہدیدار نے خبر دی کہ تقریباً 300 امریکی فوجی، "شام" میں "التنف" فوجی اڈے سے جا چکے ہیں۔ التنف فوجی اڈہ شام سے "اردن" اور "عراق" کی سرحد کے قریب واقع ہے۔ اس عہدیدار نے الجزیرہ سے گفتگو میں كہا كہ اب بھی تقریباً 1 ہزار امریکی فوجی، شمال مشرقی شام کے کئی علاقوں میں موجود ہیں۔ انہوں نے یہ بھی دعویٰ کیا کہ اگر حالات مزید سازگار رہے تو مستقبل قریب میں مزید فوجیوں کو شام سے نکال لیں گے۔ اسی حوالے سے قبل ازیں امریکہ کی سینٹرل کمانڈ نے بتایا تھا کہ منگل کے روز منظم طریقے سے امریکی فوجیوں کا شام سے انخلاء وجود میں آیا۔ سینٹرل کمانڈ نے کہا کہ ہمارا یہ قدم "عزم راسخ" آپریشن کے تحت نئے ٹارگٹ اور حالات پر مبنی منتقلی کا حصہ ہے۔
دوسری جانب ایک شامی سیکورٹی عہدیدار نے نیشنل اخبار کو بتایا کہ امریکی فوجیوں کے انخلاء کے ایک گھنٹے بعد ہی، شام پر قابض باغی فورسز نے مذکورہ اڈے کا کنٹرول سنبھال لیا۔ یاد رہے کہ 2014ء میں امریكہ نے اُس وقت كی شامی حکومت (بشار الاسد) کی باضابطہ درخواست یا اقوام متحدہ کی سلامتی کونسل سے اجازت لئے بغیر اپنی فوجیں شام میں داخل کی تھیں۔ اس حوالے سے واشنگٹن نے بے بنیاد موقف اپنایا تھا کہ یہ فوجی موجودگی، شام میں داعش کے خلاف عالمی اتحاد کا حصہ ہے۔ تاہم بعد میں پیش آنے والے واقعات بشمول داعش کے موصل پر حملے نے اس دعوے کو مشکوک بنا دیا۔ نیز امریکہ کی داعش کے حوالے سے حمایت بھی کسی سے ڈھکی چھپی بات نہیں۔
ذریعہ
ذریعہ: Islam Times
کلیدی لفظ: امریکی فوجی
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی