نیٹ میٹرنگ سے نیٹ بلنگ پرمنتقلی کی پالیسی پر عملدرآمد روک دیا ‘ اویس لغاری
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد (مانیٹرنگ ڈیسک) وفاقی وزیر توانائی اویس لغاری نے قومی اسمبلی میں نیٹ میٹرنگ پالیسی کا دفاع کرتے ہوئے بتایا کہ نیٹ میٹرنگ سے نیٹ بلنگ پرمنتقلی کی پالیسی پر عملدرآمد روک دیا ہے۔ قومی اسمبلی میں اظہار خیال کرتے ہوئے اویس لغاری نے بتایاکہ پورے ملک میں صرف 4 لاکھ 66 ہزار صارفین نیٹ میٹرنگ پر ہیں ،یہ صارفین اپنے سرمائے پر ایک سال میں 50 فیصد منافع کمارہے ہیں، 5 روپے کی بجلی بنا کر گرڈ کو 27 روپے کی دے رہے ہیں۔ انہوں نے کہا کہ اگر حکومت اسی شرح سے نیٹ میٹرنگ سے بجلی خریدتی رہی تو گرڈ کے باقی 90 فیصد صارفین کے لیے کی بجلی کی قیمت 2 سے ڈھائی روپے بڑھ جائے گی، نیٹ بلنگ پر آنے سے ان 4 لاکھ صارفین کا منافع 37فیصد پر آجائے گا جبکہ گرڈ کے باقی صارفین کے لیے بجلی ایک سے ڈیڑھ روپے سستی ہوگی، اس سے کسی کا نقصان نہیں ہوگا، یہ کہنا کہ نئی ریگولیشنز کا غریب آدمی پر اثر پڑے گا درست نہیں۔ اویس لغاری نے کہا کہ سوشل میڈیا پر ریگولیشنز سے متعلق باتیں ہورہی ہیں ، نیٹ میٹرنگ سے متعلق ریگولیٹر نے 5 بار ریگولیشنز میں تبدیلی کی، نیٹ میٹرنگ کے 6 سے 7 ہزار صارفین ہیں ، نئی سولر پالیسی پر تنقید ہو رہی ہے ، میں کچھ حقائق آپ کے سامنے رکھنا چاہتا ہوں ، اس میں سے 6 سے 7 ہزار سولر نیٹ میٹرنگ پر ہے، اس 7 ہزار میں سے 22 سو میگاواٹ انڈسٹری نے لگایا ہوا ہے۔ انہوں نے مزید کہا کہ سولر ملک کے پوش علاقوں میں لگایا گیا ہے، نیٹ میٹرنگ سے ملک کی اشرافیہ فائدہ اٹھا رہی ہے، نیٹ میٹرنگ سینیٹ بلنگ پرمنتقلی کی پالیسی پر عملدرآمد روک دیا ہے۔ اویس لغاری نے کہا کہ ایک سال کے اندر 780 ارب روپے گردشی قرضہ کم کیا ہے، وزیراعظم کے ایک رشتے دار کے آئی پی پی سے بھی 100ارب روپے کی کٹوتی کی گئی، شہباز شریف کی حکومت نے جو کیا وہ کوئی نہ کرسکا۔
ذریعہ
ذریعہ: Jasarat News
کلیدی لفظ: نیٹ میٹرنگ سے اویس لغاری نے نیٹ بلنگ پر پالیسی پر
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے