پاسپورٹ بنوانے والوں کیلئے اہم خبر، رمضان المبارک کیلئے نئے اوقات کار اور نئی فیسوں کا اعلان ہو گیا
اشاعت کی تاریخ: 13th, February 2026 GMT
اسلام آباد (ویب ڈیسک) پاکستان بھر کے پاسپورٹ دفاتر نے رمضان 2026 کے موقع پر عوام کی سہولت کیلئے نئے اوقات کار اور مختلف پاسپورٹ کیٹیگریز کی نئی فیسیں جاری کر دی ہیں۔
سرکاری نوٹیفکیشن کے مطابق رمضان کے دوران ریجنل پاسپورٹ دفاتر، ایگزیکٹو پاسپورٹ دفاتر اور پاسپورٹ پروسیسنگ کاؤنٹرز عوامی خدمات کے اوقات میں تبدیلی کریں گے، جبکہ انتظامی عمل معمول کے مطابق جاری رہے گا۔
نوٹیفکیشن کے مطابق پیر سے جمعرات تک ٹوکن اجراء اور عوامی خدمات صبح 9 بجے سے دوپہر 2 بجے تک دستیاب ہوں گی، جبکہ عمومی دفاتر کے اوقات صبح 8:30 بجے سے شام 4:30 بجے تک برقرار رہیں گے۔
اسلام آباد ہائیکورٹ؛ 3سال کی قانونی جنگ کے بعد میاں بیوی کے درمیان صلح ہو گئی
جمعہ کو عوامی خدمات اور ٹوکن اجراء صبح 9 بجے سے 12:30 بجے تک دستیاب ہوں گے، دفاتر اپنے معمول کے اوقات میں کھلے رہیں گے، نماز کیلئے روزانہ 1 بجے سے 1:30 بجے تک وقفہ رکھا گیا ہے۔
سرکاری حکام کی جانب سے واضح کیا گیا کہ یہ اوقات چند بڑے مراکز، جیسے NADRA میگا سینٹرز پر لاگو نہیں ہوں گے اور وہ اپنے الگ شیڈول کے مطابق کام کریں گے۔
اسی کے ساتھ حکومت نے پاسپورٹ کی نئی فیسیں بھی جاری کی ہیں:
36 صفحات کا پاسپورٹ: 5 سالہ معمولی کی فیس 4,500، 10 سالہ معمولی کی فیس 6,700 مقرر جبکہ 5 سالہ فوری کی فیس 7500 اور 10 سالہ فوری کی فیس 11،200 ہو گی۔
سونا 8ہزار600روپے سستا، فی تولہ قیمت 5لاکھ 19ہزار962روپے ہو گئی
72 صفحات کا پاسپورٹ: 5 سالہ معمولی 8،200، 10 سالہ معمولی 12،400 ہو گی جبکہ 5 سالہ فوری 13,500 اور 10 سالہ فوری 20,200 میں بنے گا۔
100 صفحات کا پاسپورٹ: 5 سالہ معمولی 9،000، 10 سالہ معمولی 13,500 جبکہ 5 سالہ فوری 18،000 اور 10 سالہ فوری کے لیے 27،000 روپے فیس ادا کرنا ہوگی۔
مزید :.
ذریعہ
ذریعہ: Daily Pakistan
کلیدی لفظ: سالہ معمولی سالہ فوری کے مطابق بجے تک کی فیس
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا