برطانوی عدالت نے فلسطین ایکشن پر پابندی غیر قانونی قرار دے دی
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لندن: فلسطین ایکشن نے خود کو دہشت گرد قرار دیے جانے کے خلاف قانونی جنگ میں اہم کامیابی حاصل کر لی، جب برطانوی ہائیکورٹ نے حکومتی پابندی کو غیر قانونی قرار دے دیا۔
عالمی میڈیا رپورٹس کے مطابق عدالت نے جمعے کے روز سنائے گئے فیصلے میں کہا کہ گروپ کی سرگرمیاں ایسی نوعیت کی نہیں کہ اسے دہشت گرد تنظیم قرار دیا جائے۔
رپورٹس کے مطابق آکسفورڈ میں رائل ایئر فورس کے طیاروں کو نقصان پہنچانے کے واقعے کے بعد 5 جولائی 2025 کو اس وقت کی ہوم سیکرٹری یوویٹ کوپر نے فلسطین ایکشن کو کالعدم قرار دینے کا حکم دیا تھا۔ اس فیصلے کے خلاف گروپ کی کارکن ہدیٰ عموری نے عدالت سے رجوع کیا، جس پر تین سینئر ججز نے تفصیلی سماعت کے بعد حکومت کا اقدام غیر قانونی قرار دے دیا۔
عدالت نے اپنے فیصلے میں واضح کیا کہ کسی تنظیم کو دہشت گرد قرار دینے کے لیے سخت قانونی معیار پورا ہونا ضروری ہے اور پیش کیے گئے شواہد اس معیار پر پورا نہیں اترتے، عدالت نے یہ بھی کہا کہ مزید عدالتی احکامات تک پابندی عارضی طور پر برقرار رہے گی، جس کا مطلب ہے کہ حتمی فیصلہ آنے تک گروپ کی سرگرمیوں پر مکمل آزادی نہیں ہوگی۔
فیصلے کے بعد عدالت کے باہر فلسطین ایکشن کے حامیوں نے جشن منایا اور فلسطین کے حق میں نعرے بازی کی۔ مظاہرین کا کہنا تھا کہ یہ فیصلہ آزادیِ اظہار اور احتجاج کے حق کی فتح ہے۔ دوسری جانب برطانوی حکومت نے فیصلے پر مایوسی کا اظہار کرتے ہوئے اعلان کیا ہے کہ وہ اس کے خلاف اپیل دائر کرے گی۔
برطانوی وزیر داخلہ شبانہ محمود نے بیان میں کہا کہ حکومت عدالت کے فیصلے سے اختلاف رکھتی ہے اور قومی سلامتی کے تناظر میں اپنے مؤقف کا دفاع کرے گی، اپیل کی صورت میں معاملہ اعلیٰ عدالت میں جائے گا جہاں حتمی قانونی تشریح سامنے آئے گی۔
ذریعہ
ذریعہ: Jasarat News
کلیدی لفظ: فلسطین ایکشن عدالت نے
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار