پارک میں 3 روزہ فلاور شو کا افتتاح: جماعت اسلامی کا شہری حقوق کیلیے جدوجہد جاری رکھنے کا اعلان
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے کامران سراج، نصرت اللہ، محمد الیاس اور عارف منیر کے ہمراہ لال قلعہ پارک میں تین روزہ فلاور شو کا افتتاح کیا۔ تقریب سے خطاب کرتے ہوئے منعم ظفر خان نے کہا کہ جماعت اسلامی کراچی کے عوام کو ان کا حق دلانے اور بااختیار شہری حکومت کے قیام کے لیے مسلسل جدوجہد کرے گی۔
منعم ظفر خان نے اعلان کیا کہ جماعت اسلامی ہفتہ 14 فروری کو سندھ اسمبلی کے باہر دھرنا دے گی تاکہ شہر کے عوام کے حقوق کے لیے آواز بلند کی جا سکے، جماعت اسلامی شہر کے حق پر کسی کو ڈاکا ڈالنے نہیں دے گی اور جن لوگوں نے شہریوں سے جینے کا حق چھینا، ان کا تعاقب کرے گی۔
انہوں نے مزید کہا کہ جماعت اسلامی کے زیر انتظام 9 ٹاؤنز میں گزشتہ ڈھائی سال کے دوران واٹر اینڈ سیوریج کے شعبے میں 2 ارب روپے خرچ کیے گئے، جو صوبائی حکومت کی ذمہ داری تھی، کراچی کے عوام ملک میں سب سے زیادہ ٹیکس دیتے ہیں، اس لیے انہیں سہولیات فراہم کرنا حکومت کی ذمہ داری ہے، پیپلز پارٹی کی صوبائی حکومت 18 سال سے شہری سہولیات فراہم کرنے میں ناکام رہی ہے۔
گلبرگ ٹاؤن کے امیر کامران سراج نے کہا کہ لال قلعہ پارک کی بحالی ایک وعدے کی تکمیل ہے اور گلبرگ کو چمکتا دمکتا ٹاؤن بنانے کے لیے کام جاری ہے۔
نصرت اللہ نے کہا کہ جماعت اسلامی کے کام شہر کے عوام کے ٹیکسوں کے پیسوں پر ہو رہے ہیں، اور تعلیم و صحت کے شعبے میں بھی اہم اقدامات کیے جا رہے ہیں۔
یہ فلاور شو شہر کے عوام کے لیے تفریح اور سماجی رابطے کا موقع فراہم کرنے کے ساتھ ساتھ جماعت اسلامی کے تعمیر و ترقی اور شہری حقوق کے لیے جاری اقدامات کی عکاسی کرتا ہے۔
ذریعہ
ذریعہ: Jasarat News
کلیدی لفظ: کہ جماعت اسلامی کے عوام کہا کہ کے لیے شہر کے
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ