گولارچی: ہندو جوڑا شادی کے بعد تحفظ کے لیے پریس کلب پہنچ گیا
اشاعت کی تاریخ: 14th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
گولارچی (نمائندہ جسارت)ضلع سانگھڑ کی تحصیل کھپرو کے گاؤں یار محمد لغاری سے تعلق رکھنے والا ہندو برادری کا ایک جوڑا تحفظ کے حصول کیلئے گولارچی پریس کلب پہنچ گیا، جہاں انہوں نے پریس کانفرنس کرتے ہوئے اپنی جان کو لاحق خطرات سے آگاہ کیا۔اس موقع پر مسمات شریمتی ہامی بائی نے میڈیا نمائندگان سے گفتگو کرتے ہوئے بتایا کہ انہوں نے اپنی مرضی اور رضامندی سے ہرچند ولد چانڈیہو کے ساتھ ٹھٹہ کی عدالت میں شادی کی۔ ان کا کہنا تھا کہ شادی قانونی تقاضے پورے کرتے ہوئے کی گئی، تاہم اس فیصلے پر ان کے رشتہ دار ناراض ہیں۔ہامی بائی کے مطابق انہیں اپنے قریبی رشتہ داروں مگیو، عمیر چند، لامچند، سورج، وشنو اور چیتن کی جانب سے دھمکیاں دی جا رہی ہیں، جس کے باعث وہ عدم تحفظ کا شکار ہیں۔ انہوں نے خدشہ ظاہر کیا کہ اگر انہیں فوری طور پر سرکاری تحفظ فراہم نہ کیا گیا تو ان کی جان کو سنگین خطرات لاحق ہو سکتے ہیں۔
ذریعہ
ذریعہ: Jasarat News
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا