رمضان میں قیمتوں کو کنٹرول و عوام کو ریلیف دیا جائے‘ نیشنل کنزیومر موومنٹ
اشاعت کی تاریخ: 14th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260214-08-27
کراچی(اسٹاف رپورٹر) نیشنل کنزیومر موومنٹ کے تحت مہنگائی کے خاتمے و رمضان میں قیمتوں کو کنٹرول کرکے عوام کو ریلیف دینے کے لیے مقامی ہال میں صارفین کے حقوق کے تحفظ اور مہنگائی کے خلاف صارفین کی نمائندہ کانفرنس میں شریک سیاسی و سماجی رہنماؤں، ماہرین معیشت، وکلا برادری و صارفین کے نمائندوں نے بڑھتی ہوئی مہنگائی پر گہری تشویش کا اظہار کرتے ہوئے حکومت سے مطالبہ کیا ہے کہ وہ بالخصوص رمضان المبارک کے مقدس مہینے میں عوام کو ریلیف فراہم کرنے کے لیے ہنگامی اور عملی اقدامات کرے۔سینئرسیاسی رہنما وسابق رکن قومی اسمبلی اسداللہ بھٹو کی زیرصدرت کانفرنس میں شریک مقررین کا کہنا تھا کہ روزمرہ استعمال کی اشیا خورونوش، جن میں آٹا، چینی، گھی، دالیں، سبزیاں اور پھل شامل ہیں، کی قیمتیں عام آدمی کی دسترس سے باہر ہوتی جا رہی ہیں۔ تنخواہ دار طبقہ، مزدور اور کم آمدنی والے افراد شدید معاشی دباؤ کا شکار ہیں۔ اس صورتحال میں حکومت کی ذمے داری ہے کہ وہ قیمتوں پر مؤثر کنٹرول یقینی بنائے اور مارکیٹوں کی سخت نگرانی کرے۔ اسداللہ بھٹو نے اپنے صدارتی خطاب میں کہاکہ معاشی ابتری اورمہنگائی کاطوفان نااہلی اورکرپشن کانتیجہ ہے۔ حکومت نمائشی اقدامات کے بجائے رمضان میں عوام کو ریلیف دینے کے لیے عملی اقدامات کرے۔آٹا چینی گندم مافیا حکومت کا حصہ ہوتے ہیں جو ایک دوسرے کے مفادات کے محافظ ہوتے ہیں جب تک یہ نظام تبدیل نہیں ہوگا مسائل حل ہونا مشکل ہے۔ انہوں نے اس امر پر زور دیا گیا کہ رمضان المبارک کے دوران بعض عناصر ذخیرہ اندوزی و ناجائز منافع خوری کے ذریعے مصنوعی قلت پیدا کرتے ہیں، جس سے قیمتوں میں اضافہ ہوتا ہے۔ ایسے عناصر کے خلاف بلاامتیاز کریک ڈاؤن کیا جائے، پرائس کنٹرول مجسٹریٹس کو فعال بنایا جائے اور خلاف ورزی کرنے والوں پر بھاری جرمانے اور قانونی کارروائی عمل میں لائی جائے۔اسی طرح کنزیومر کورٹ کو فعال بنایا جائے۔ NCM کے صدر شہزاد مظہر نے کانفرنس میں قرارداد و سفارشات بھی منظور کرائیں جس میں اشیا صرف کی قیمتوں و معیار کو برقرار رکھنے کے لیے نفاذی ڈھانچے، کمشنرز، سندھ فوڈ اتھارٹی و بیورو سپلائی پرائس کی مدد کے لیے یوسی کے منتخب نمائندوں کو بروئے کار لانے کا مطالبہ کیا، کنزیومرکورٹس کو ضلعی سطح پرفعال کرنے کے لیے ڈپٹی کمشنر آفس میں ڈیسک قائم کرنے، رمضان کی آمد سے قبل یوسی کی سطح پرمارکیٹ ویجی لنس کمیٹیاں قائم کرنے کا بھی مطالبہ کیا گیا۔کانفرنس سے مہمان خصوصی پروفیسر ڈاکٹر جاوید عزیز مسعودی، نیشنل کنزیومرموومنٹ کے صدر سید شہزاد مظہر، شکیل بیگ، طارق شاداب، شمیم ناز، عثمان شریف، مجاہدچنا، پروفیسر سہیل زمان، حاجی شریف، عبدالصمد، قطب صدیقی، اقبال یوسف، رانا عرفان، سعید جدون، ارسلان رانا، قمر خان و ارشد قریشی نے بھی خطاب کیا۔
کراچی: سینئر رہنما جماعت اسلامی و سابق ایم این اے اسد اللہ بھٹو نیشنل کنزیومر موومنٹ کی صارفین نمائندہ کانفرنس سے خطاب کررہے ہیں
ذریعہ
ذریعہ: Jasarat News
کلیدی لفظ: نیشنل کنزیومر عوام کو ریلیف کے لیے
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی