پاک بھارت میچ سے قبل بابر اعظم کا جونیئر کھلاڑیوں کو اہم مشورہ
اشاعت کی تاریخ: 14th, February 2026 GMT
قومی کرکٹ ٹیم کے سابق کپتان و اسٹار بیٹر بابر اعظم نے کہا ہے کہ پاک بھارت میچ میں شائقین کی توقعات حد سے زیادہ بلند ہو جاتی ہیں۔
کرکٹ ویب سائٹ کو دیے گئے انٹرویو میں انہوں نے کہاکہ یہ میچ نہ صرف پاکستان اور بھارت کے بلکہ دنیا بھر کے کرکٹ شائقین کی توجہ کا مرکز ہوتا ہے۔
????️ Babar Azam on the highly anticipated match against India pic.
— ESPNcricinfo (@ESPNcricinfo) February 14, 2026
بابر اعظم نے کہاکہ انہوں نے کئی پاک بھارت میچز کھیلے ہیں اور یہ سیکھا ہے کہ میدان سے باہر ہونے والی باتوں پر دھیان دینے کی بجائے خود کو ریلیکس رکھنا ضروری ہے۔
ان کا کہنا تھا کہ بھارت کے خلاف میچ کا اپنا جوش ہوتا ہے، لیکن اپنے جونیئرز کو وہ یہی نصیحت کرتے ہیں کہ زیادہ پراعتماد رہیں اور ٹینشن نہ لیں، کیونکہ یہی آپ کے لیے بہتر نتائج کا باعث بنتا ہے۔
واضح رہے کہ بابر اعظم 2017 کی چیمپیئنز ٹرافی سے اب تک بھارت کے خلاف متعدد اہم میچز میں حصہ لے چکے ہیں۔
انہوں نے 2017 کے چیمپیئنز ٹرافی فائنل اور 2021 کے ٹی20 ورلڈ کپ میں بھارت کو شکست دینے میں بھی اہم کردار ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابر اعظم پاک بھارت میچ پاکستان بھارت میچ ٹی20 ورلڈ کپ سابق کپتان وی نیوز
ذریعہ
ذریعہ: WE News
کلیدی لفظ: پاک بھارت میچ پاکستان بھارت میچ ٹی20 ورلڈ کپ سابق کپتان وی نیوز پاک بھارت میچ
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ