پی ایف ایف نے مختلف ٹیموں کے کوچنگ اسٹاف کو حتمی شکل دیدی
اشاعت کی تاریخ: 14th, February 2026 GMT
پاکستان فٹبال فیڈریشن (پی ایف ایف) نے مختلف ٹیموں کے کوچنگ اسٹاف کو حتمی شکل دے دی۔
پاکستان فٹبال ٹیم کے سابق کپتان عیسیٰ خان پاکستان انڈر 16 ٹیم کے ہیڈ کوچ، جعفر خان کو اسی ٹیم کو گول کیپنگ کوچ جبکہ محمد ندیم اور ارشد خان کو اسسٹنٹ کوچ مقرر کیا گیا ہے۔
پاکستان انڈر 16 ٹیم اپریل میں قازقستان میں یوئیفا ڈیولپمنٹ ٹورنامنٹ کھیلے گی۔
پی ایف ایف پاکستان قومی ٹیم کے سابق کوچ شہزاد انور کو پاکستان انڈر 20 فٹبال ٹیم کے ہیڈ کوچ مقرر کیا ہے۔
کراچی یونائیٹڈ کے کوچ شیخ ہمدان بھی پاکستاں انڈر 20 فٹبال ٹیم کے کوچنگ پینل میں شامل ہیں جبکہ نعمان ابراہیم گول کیپنگ اور محمد حبیب اسسٹنٹ کوچ کے طور پر منسلک ہوں گے۔
پاکستان انڈر 20 فٹبال ٹیم مارچ میں مالدیپ میں ساف انڈر 20 چیمپئن شپ میں حصہ لے گی۔
فیفا سیریز کےلیے عدیل رذکی کی قومی ویمن فٹبال ٹیم کے کوچ کے تحت واپسی ہوئی ہے، وہ ایران کی سولماز ایزیمیا اور مہناز سادیگی ویمن ٹیم کے کوچنگ اسٹاف میں شامل ہیں، احسان اللہ پاکستان ویمن فٹبال ٹیم کے گول کیپنگ کوچ کے عہدے پر برقرار ہیں۔
ناصر اسماعیل اور ولید جاوید خان پاکستان کی قومی ٹیم کے کوچنگ اسٹاف میں شامل کیا گیا ہے، نولبرٹو سولانو کے ساتھ کام کریں گے، اے ایف سی لائسنس اے کوچ محمد اسلم خان پاکستان قومی فٹبال ٹیم کے گول کیپنگ کوچ مقرر ہیں۔
.
ذریعہ
ذریعہ: Daily Mumtaz
کلیدی لفظ: کے کوچنگ اسٹاف پاکستان انڈر فٹبال ٹیم کے ٹیم کے کوچ گول کیپنگ
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا