یوکرین میں بجلی کی بگڑتی صورتحال: آئی اے ای اے نے جوہری خطرات بارے خبردار کر دیا
اشاعت کی تاریخ: 14th, February 2026 GMT
کیف (ویب ڈیسک) بین الاقوامی جوہری توانائی ایجنسی ( آئی اے ای اے) نے خبردار کیا ہے کہ یوکرین میں بجلی کے نظام کی بگڑتی صورتحال کے باعث جوہری تحفظ کو خطرات لاحق ہیں
عالمی میڈیا کی رپورٹ کے مطابق بین الاقوامی جوہری توانائی ایجنسی ( آئی اے ای اے ) سے جاری بیان میں کہا گیا ہے کہ یوکرین کے ایک کے سوا تمام ری ایکٹر یونٹس کو اپنی پیداوار کم کرنا پڑی جبکہ کئی بجلی کی ترسیل کی کئی لائنیں منقطع ہو گئیں۔
تمام یوکرینی جوہری بجلی گھروں نے اپنی نگرانی کی حدود میں متعدد ڈرونز اور ایک کروز میزائل کی موجودگی کی اطلاع دی جبکہ خمل نیتسکی جوہری بجلی گھر میں موجود آئی اے ای اے کی ٹیم نے بھی فوجی سرگرمیوں کی آوازیں سنیں۔
آئی اے ای اے کے ڈائریکٹر جنرل رافیل گروسی نے کہا کہ یوکرین میں اس نوعیت کے واقعات اب بہت عام ہوتے جا رہے ہیں اور ہر واقعہ ہمیں بگڑتی ہوئی بجلی کی صورتحال کے باعث جوہری تحفظ اور سلامتی کو درپیش ہمہ وقت خطرات کی یاد دلاتا ہے۔
انہوں نے تمام فریقین سے زیادہ سے زیادہ فوجی ضبط و تحمل کا مطالبہ کرتے ہوئے خبردار کیا کہ جوہری حادثے سے کسی کو فائدہ نہیں ہوگا، واضح رہے کہ گزشتہ ہفتے کے اختتام پر فوجی سرگرمیوں کے باعث جوہری بجلی گھروں (این پی پیز) کی کارروائیاں متاثر ہوئیں۔
.
ذریعہ
ذریعہ: Daily Mumtaz
کلیدی لفظ: اے ای اے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے