بنگلہ دیش میں نئی سیاسی صف بندی، جماعتِ اسلامی کا پرامن اپوزیشن کا اعلان
اشاعت کی تاریخ: 14th, February 2026 GMT
بنگلہ دیش کی سب سے بڑی مذہبی سیاسی جماعت جماعت اسلامی بنگلہ دیش نے ہفتہ کے روز انتخابات کے ’مجموعی نتائج‘ کو تسلیم کر لیا ہے۔
واضح رہے کہ جماعت اسلامی نے ایک روز قبل ووٹوں کی گنتی میں مبینہ بے ضابطگیوں اور تضادات کا الزام عائد کیا گیا تھا۔
جمعرات کو ہونے والے یہ انتخابات 2024 کی خونریز عوامی بغاوت کے بعد پہلے عام انتخابات تھے، جس میں الیکشن کمیشن کے جاری کردہ اعداد و شمار کے مطابق بنگلہ دیش نیشنلسٹ پارٹی یعنی بی این پی نے بھاری اکثریت سے کامیابی حاصل کی۔
جماعتِ اسلامی کے 67 سالہ امیر ڈاکٹر شفیق الرحمان نے جمعہ کو کہا تھا کہ وہ الیکشن کمیشن سے ’داد رسی‘ طلب کریں گے، کیونکہ ان کی جماعت کے مطابق ووٹوں کی گنتی میں ’عدم مطابقت اور من گھڑت اعداد‘ شامل تھے۔
یہ بھی پڑھیں: بنگلہ دیش کے عام انتخابات، ’جین زی‘ اور جماعت اسلامی
تاہم ہفتہ کو انہوں نے شکست تسلیم کرتے ہوئے کہا کہ حقیقی جمہوری سفر میں قیادت کا اصل امتحان صرف انتخابی مہم نہیں بلکہ عوام کے فیصلے کو قبول کرنے میں بھی ہوتا ہے۔
’ہم مجموعی نتائج کو تسلیم کرتے ہیں اور قانون کی حکمرانی کا احترام کرتے ہیں۔‘
ادھر عبوری سربراہ محمد یونس نے بی این پی کے رہنما طارق رحمان کو ان کی جماعت کی ’شاندار فتح‘ پر مبارک باد دی۔
85 سالہ نوبیل امن انعام یافتہ ڈاکٹر محمد یونس اگست 2024 کی بغاوت کے بعد ’چیف ایڈوائزر‘ کے طور پر ملک کی قیادت کر رہے ہیں اور اب وہ اقتدار منتخب حکومت کے حوالے کرنے کی تیاری کر رہے ہیں۔
مزید پڑھیں: بنگلہ دیش کے اپوزیشن اتحاد کا اجلاس: صحت مند سیاست کے فروغ کی ضرورت پر زور
انہوں نے کہا کہ طارق الرحمن ملک کو استحکام، شمولیت اور ترقی کی جانب لے جانے میں مدد کریں گے۔
الیکشن کمیشن کے مطابق بی این پی اتحاد نے 212 نشستیں حاصل کیں جبکہ جماعتِ اسلامی کی قیادت میں قائم اتحاد کو 77 نشستیں ملیں۔
شفیق الرحمن نے اعلان کیا کہ جماعت پارلیمان میں فعال کردار ادا کرے گی۔
’ہم ایک بااصول، پرامن اور چوکنا اپوزیشن کے طور پر حکومت کا احتساب کریں گے۔ ہماری اصولی اور پرامن سیاست سے وابستگی غیر متزلزل ہے۔‘
مزید پڑھیں: بی این پی کی بھاری اکثریت کے بعد طارق رحمان پر سب کی نظریں، کیا بنگلہ دیش میں نیا سیاسی باب شروع ہوگا؟
انہوں نے اس بات پر بھی زور دیا کہ جماعتِ اسلامی نے ماضی کے مقابلے میں نمایاں پیش رفت کی ہے، خصوصاً اس دور کے بعد جب معزول سابق وزیر اعظم شیخ حسینہ کے آمرانہ عہد میں جماعت کو سخت مشکلات کا سامنا کرنا پڑا تھا۔
’ہماری تحریک کسی ایک انتخاب تک محدود نہیں بلکہ جمہوری کلچر کو مضبوط بنانے، شہریوں کے حقوق کے تحفظ اور ایک منصفانہ اور جوابدہ ریاست کے قیام کے لیے ہے۔‘
77 نشستوں کے ساتھ جماعت اسلامی نے اپنی پارلیمانی موجودگی تقریباً 4 گنا بڑھا لی ہے۔
’ہم جدید بنگلہ دیشی سیاست میں مضبوط ترین اپوزیشن بلاکس میں شامل ہو گئے ہیں، یہ ناکامی نہیں بلکہ ایک مضبوط بنیاد ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن بنگلہ دیش نیشنلسٹ پارٹی بی این پی جماعت اسلامی ڈاکٹر شفیق الرحمان شیخ حسینہ طارق رحمان محمد یونس.
ذریعہ
ذریعہ: WE News
کلیدی لفظ: الیکشن کمیشن بنگلہ دیش نیشنلسٹ پارٹی بی این پی جماعت اسلامی ڈاکٹر شفیق الرحمان محمد یونس جماعت اسلامی الیکشن کمیشن بنگلہ دیش بی این پی کہ جماعت کے بعد
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا