بھارت کے خلاف میچ دباؤ نہیں، خود کو منوانے کا سنہری موقع ہے: سلمان بٹ
اشاعت کی تاریخ: 14th, February 2026 GMT
سابق قومی کپتان سلمان بٹ کا کہنا ہے کہ پاک بھارت میچ کو محض دباؤ کے زاویے سے نہیں دیکھنا چاہیے بلکہ یہ وہ موقع ہوتا ہے جہاں ایک کھلاڑی خود کو ہمیشہ کے لیے منوا سکتا ہے۔
نجی میڈیا سے گفتگو کرتے ہوئے انہوں نے کہا کہ عام شائق شاید اس دباؤ کا اندازہ بھی نہ لگا سکے جو ایسے بڑے مقابلے میں کھلاڑی محسوس کرتے ہیں۔ جب کروڑوں لوگوں کی نظریں آپ پر ہوں اور پوری قوم جیت کی امید لگائے بیٹھی ہو تو ذمہ داری کا احساس فطری طور پر بڑھ جاتا ہے۔
سلمان بٹ کے مطابق پاک بھارت مقابلے میں اصل دباؤ عوامی توقعات کا ہوتا ہے۔ “جب ہر شخص آپ سے بہترین کارکردگی کی امید رکھتا ہو تو ذہنی بوجھ بڑھنا لازمی ہے، لیکن ایک پروفیشنل کرکٹر کو اسی لمحے کو اپنے کیریئر کا سب سے بڑا موقع سمجھنا چاہیے،” انہوں نے کہا۔
ان کا کہنا تھا کہ اگر کوئی کھلاڑی بھارت کے خلاف نمایاں کارکردگی دکھا دے تو اس کا نام برسوں تک یاد رکھا جاتا ہے۔ “ایسے میچز ہیرو بناتے ہیں۔ ایک اچھی اننگز یا اسپیل آپ کو تاریخ کا حصہ بنا سکتی ہے۔”
میدان کے ماحول پر بات کرتے ہوئے انہوں نے بتایا کہ جیسے ہی کھلاڑی گراؤنڈ میں قدم رکھتے ہیں، فضا مکمل طور پر بدل جاتی ہے اور توجہ صرف جیت پر مرکوز ہو جاتی ہے۔ دونوں ٹیموں کے درمیان جملوں کا تبادلہ بھی ہوتا ہے، جو کبھی دوستانہ اور کبھی قدرے سخت ہو سکتا ہے، مگر یہ سب کھیل کا حصہ ہے۔
سلمان بٹ نے موجودہ کھلاڑیوں کو مشورہ دیا کہ وہ میچ کی اہمیت کو ذہن پر سوار نہ کریں۔ ان کے بقول، “زیادہ سوچنے سے کارکردگی متاثر ہوتی ہے۔ خود کو پُرسکون رکھیں، حالات کے مطابق فیصلے کریں اور کھیل سے لطف اٹھائیں۔ جیت اور ہار کھیل کا حصہ ہیں، انہیں اعصاب پر سوار نہ کریں۔”
ان کے مطابق بڑے مقابلے اصل میں ذہنی مضبوطی کا امتحان ہوتے ہیں، اور جو کھلاڑی اس دباؤ کو موقع میں بدل لیتے ہیں، وہی اصل کامیاب کہلاتے ہیں۔
ذریعہ
ذریعہ: Daily Mumtaz
پڑھیں:
نتیجہ خیز آپریشن شعبان!
پاکستان دنیا کا واحد ملک ہے جو گزشتہ دو دہائیوں سے زائد عرصے سے دہشت گردی کے خلاف جنگ لڑ رہا ہے، نہ صرف اندرون وطن بلکہ مشرقی و مغربی سرحدوں پر بھی پاکستان کے استحکام، سلامتی، خودمختاری اور آزادی کو سبوتاژ کرنے اور امن و امان کو تہہ و بالا کرنے کے لیے سازشی عناصر سرگرم عمل ہیں۔
پڑوسی ملک بھارت کی پراکسی جنگ اب کسی سے ڈھکی چھپی نہیں رہی بعینہ ہمسایہ ملک افغانستان جس کے ساتھ ہمارے دیرینہ، تاریخی، سماجی، مذہبی اور ثقافتی رشتے بڑے گہرے اور مضبوط رہے ہیں آج کل وطن عزیز کے خلاف سازشوں اور دہشت گردی میں بھارت کی سہولت کاری کرکے خطے کے امن کو نقصان پہنچانے میں پیش نظر آ رہا ہے، اگرچہ کراچی سے لے کر خیبر تک دہشت گرد عناصر وقفے وقفے سے اپنی مذموم کارروائی میں مصروف ہیں، تاہم پاکستان کے دو اہم صوبے خیبر پختونخوا اور بلوچستان کو فتنہ الخوارج اور فتنہ الہندوستان کے دہشت گردوں نے خاص نشانہ بنا رکھا ہے۔
گزشتہ دو تین ہفتوں کے دوران خیبرپختونخوا میں پولیس اہلکاروں کو بہ طور خاص دہشت گردوں نے نشانہ بنا کر شہید کر دیا۔ دہشت گرد کبھی تھانوں پر حملہ کرتے ہیں، کبھی چیک پوسٹوں پر اور کبھی گشت کرتی موبائل گاڑیوں پر گھات لگا کر حملہ آور ہوتے ہیں۔ بلوچستان کے مختلف علاقوں میں بھی پولیس، فرنٹیئر کانسٹیبلری اور پاک فوج کے افسروں اور جوانوں کو فتنہ الخوارج اور فتنہ الہندوستان کے دہشت گرد باقاعدہ منصوبہ بندی سے نشانہ بنا کر اپنا ہدف حاصل کرتے اور اس کی ذمے داری قبول بھی کرتے ہیں۔
گزشتہ دو ہفتوں کے خون آشام واقعات کے بعد شہید ہونے والے پولیس اہلکاروں کے لواحقین نے سخت احتجاج کرتے ہوئے دھرنا دے رکھا ہے۔ زیارت شہدا لواحقین کے دھرنا شرکا سے حکومتی مذاکرات کے بعد دھرنا ختم کر دیا گیا اور لاشوں کی نماز جنازہ کے بعد تدفین کر دی گئی، اگرچہ حکومت نے شہدا کے لواحقین کے لیے مالی امداد کے اعلانات کیے ہیں لیکن مالی امداد ہمیشہ کے لیے بچھڑ جانے والے پیاروں کا نعم البدل نہیں ہو سکتی ، ہرگز نہیں۔ ان کی دائمی جدائی کے زخم کبھی بھر نہیں سکتے۔ شہادت کا یہ سلسلہ آخر کہاں جا کر ختم ہوگا؟
پاک فوج نے کے پی اور بلوچستان کے حالیہ لہو رنگ واقعات کے بعد ’’آپریشن شعبان‘‘ کا آغاز کیا جس میں فتنہ الخوارج اور فتنہ الہندوستان کے دہشت گردوں کے خلاف پاک فوج برق رفتاری سے کارروائیاں کر رہی ہے۔ اس آپریشن میں بلوچستان پولیس اور ایف سی بھی حصہ لے رہی ہے۔ اس آپریشن کا آغاز 5 جولائی کو کیا گیا جو انٹیلی جنس بیسڈ دہشت گردی آپریشن ہے اور تادم تحریر جاری ہے۔ کہا گیا ہے کہ آخری دہشت گرد کے خاتمے تک ’’آپریشن شعبان‘‘ جاری رہے گا جس کا مقصد دہشت گردوں کا جڑ سے صفایا کرنا ہے۔ پوری قوم دہشت گردی کے خلاف جنگ میں پاک فوج کی پشت پر پوری یکجہتی اور قوت کے ساتھ کھڑی ہے۔ بعینہ ملکی دفاع، سلامتی اور قیام امن کے لیے جان قربان کرنے والے پولیس اہلکاروں، ایف سی اور پاک فوج کے بہادر سپوتوں کی شہادت کو قدر کی نگاہ سے دیکھتی ہے۔
بلوچستان اور کے پی میں ماضی قریب و بعید میں بھی متعدد فوجی آپریشن کیے گئے جن میں دہشت گردوں کے خلاف پاک فوج کو نمایاں کامیابیاں ملیں۔ 2009 میں آپریشن راہ نجات کا آغاز کیا گیا جس میں سوات اور مالاکنڈ میں طالبان کے خلاف کارروائیاں کی گئیں۔ جنوبی وزیر ستان میں ٹی ٹی پی کے خلاف آپریشن راہ نجات میں ان کے اہم ٹھکانوں کو تباہ کیا گیا۔ اسی طرح 2014 میں شمالی وزیرستان میں آپریشن ضرب عضب کا آغاز کیا گیا جس کا مقصد ملکی و غیر ملکی دہشت گردوں کے ٹھکانوں کو ختم کرنا تھا۔ 2017 میں آپریشن ردالفساد کے ذریعے دہشت گردوں کے خفیہ سلیپر سیلز اور ان کے سہولت کاروں کے خلاف انٹیلی جنس کارروائیاں کی گئیں۔
بلوچستان اور کے پی کے دو دہائیوں سے بدامنی کی لپیٹ میں ہیں۔ متعدد فوجی آپریشنز کے باوجود دونوں صوبوں بالخصوص بلوچستان میں آج بھی دہشت گرد عناصر بیرونی آقاؤں اور اندرونی سہولت کاروں کے ذریعے امن کو تہہ و بالا کر رہے ہیں۔ ہمیں دہشت گردی کی ان جڑوں کو تلاش کرنا ہوگا جو معاشرتی و سماجی سطح پر راسخ ہو چکی ہیں۔
سابق آرمی چیف جنرل راحیل شریف نے گزشتہ دنوں اسلام آباد میں ایک تقریب سے خطاب کرتے ہوئے واضح کیا کہ پاکستان نے دہشت گردی کے خلاف ایک بھرپور جنگ لڑی ہے، قومی سلامتی صرف عسکری پہلو تک محدود نہیں ہے بلکہ اس کے سماجی اور معاشی پہلو بھی اہم ہیں۔ یہ باریک نکتہ ہے جسے سمجھنے اور گتھی کو سلجھانے کی ضرورت ہے۔ یہاں سیاسی قیادت کا امتحان شروع ہوتا ہے کہ وہ بلوچستان کے عوام کے مسائل کے حل کے لیے اپنا قائدانہ کردار ادا کریں۔ بلاول بھٹو سے لے کر وزیر اعظم شہباز شریف تک اور اپوزیشن سے بلوچستان کی سیاسی قیادت تک سب کو سر جوڑ کر اور مل بیٹھ کر بلوچستان کے سیاسی، سماجی و معاشی مسائل اور محرومیوں کا حل تلاش کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا