ٹرمپ کا کاربن اخراج قوانین میں نرمی کا فیصلہ، عالمی تشویش بڑھ گئی
اشاعت کی تاریخ: 14th, February 2026 GMT
واشنگٹن: امریکی صدر ڈونلڈ ٹرمپ نے ماحولیاتی پالیسی کے شعبے میں بڑا یوٹرن لیتے ہوئے سابق صدر باراک اوباما کے دور میں نافذ کیے گئے ایک اہم فیصلے کو منسوخ کر دیا ہے۔
خبر رساں اداروں کے مطابق اس اقدام کے تحت گرین ہاؤس گیسوں کے اخراج سے متعلق سخت ضوابط میں نرمی کی گئی ہے، جسے وائٹ ہاؤس نے امریکی معیشت کے لیے ریلیف پیکیج قرار دیا ہے، تاہم عالمی سطح پر اس فیصلے نے نئی بحث چھیڑ دی ہے۔
2009ء میں امریکی ماحولیاتی تحفظ کے ادارے (انوائرمنٹل پروٹیکشن ایجنسی) نے گرین ہاؤس گیسوں کو عوامی صحت کے لیے خطرہ قرار دیتے ہوئے کاربن اخراج کم کرنے کے قواعد متعارف کرائے تھے۔ انہی ضوابط کی بنیاد پر گاڑیوں اور صنعتی شعبے پر سخت پابندیاں عائد کی گئیں۔
اب ٹرمپ انتظامیہ کا مؤقف ہے کہ ضرورت سے زیادہ ریگولیشن امریکی صنعت، خصوصاً آٹو سیکٹر، پر مالی بوجھ ڈال رہی تھی۔ سرکاری بیان کے مطابق نئی پالیسی سے گاڑیوں کی تیاری کی لاگت میں فی یونٹ ہزاروں ڈالر تک کمی آ سکتی ہے، جس کا فائدہ صارفین کو بھی ہوگا۔
دوسری جانب ماحولیاتی تنظیموں اور ماہرین نے اس فیصلے کو موسمیاتی تبدیلی کے خلاف عالمی کوششوں کے لیے شدید دھچکا قرار دیا ہے۔ انہوں نے کہا کہ امریکا جیسے بڑے صنعتی ملک کی پالیسی میں نرمی عالمی درجہ حرارت میں اضافے کی رفتار تیز کر سکتی ہے۔
دوسری جانب متعدد تنظیموں نے بھی عدالت سے رجوع کرنے کا عندیہ بھی دیا ہے، کیونکہ 2009 کا اقدام امریکی عدالتی فیصلے کے بعد سامنے آیا تھا جس نے وفاقی حکومت کو اخراج ریگولیٹ کرنے کا اختیار دیا تھا۔
ماہرین موسمیات خبردار کر رہے ہیں کہ اگر بڑی معیشتیں کاربن میں کمی کے وعدوں سے پیچھے ہٹتی ہیں تو اس کے اثرات ترقی پذیر ممالک پر زیادہ مرتب ہوں گے۔ پاکستان پہلے ہی شدید موسمی تغیرات، غیر معمولی بارشوں، سیلاب، خشک سالی اور گلیشیئرز کے پگھلنے جیسے چیلنجز سے دوچار ہے۔
عالمی سطح پر اخراج میں اضافہ زرعی پیداوار، پانی کے ذخائر اور غذائی سلامتی پر مزید دباؤ ڈال سکتا ہے، جس کا براہِ راست اثر پاکستان سمیت متعدد ممالک کی معیشت پر پڑنے کا خدشہ ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل دیا ہے
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا