ملک کے جنوبی علاقوں تیز ہواؤں، گرج چمک کے ساتھ بارش کا امکان ہے، محکمہ موسمیات
اشاعت کی تاریخ: 14th, February 2026 GMT
فائل فوٹو
محکمہ موسمیات نے ملک کے جنوبی علاقوں میں تیز ہواؤں اور گرج چمک کے ساتھ بارش کا امکان ظاہر کیا ہے۔
محکمہ موسمیات کی رپورٹ کے مطابق 16 فروری کو ملک کے مغربی حصوں میں ایک کمزور سسٹم داخل ہونے کا امکان ہے۔
رپورٹ کے مطابق 16 اور 17 فروری تک کوئٹہ، زیارت، چمن اور پشین سمیت دیگر شہروں میں بارش متوقع ہے۔
محکمہ موسمیات کی رپورٹ کے مطابق کراچی، گوادر، پسنی، حیدرآباد، ٹھٹہ اور سکھر میں 17 فروری کو تیز ہواؤں اور گرج چمک کے ساتھ بارش کا امکان ہے۔
رپورٹ کے مطابق 16 فروری کی رات سے17 فروری تک وزیرستان، بنوں اور ڈیرہ غازی خان میں بارش کا امکان ہے۔
محکمہ موسمیات کے مطابق ڈیرہ غازہ خان اور شمالی بلوچستان کے بعض علاقوں میں اس دوران ژالہ باری کا امکان ہے۔
.
ذریعہ
ذریعہ: Jang News
کلیدی لفظ: محکمہ موسمیات بارش کا امکان کا امکان ہے کے مطابق
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا