چکوال: کھیت سے 16 سالہ مدرسے کے طالب علم کی مسخ شدہ لاش برآمد
اشاعت کی تاریخ: 14th, February 2026 GMT
چکوال کے تھانہ صدر کے علاقے میں ایک کھیت سے ایک مسخ شدہ لاش برآمد ہوئی ہے۔ پولیس کے مطابق لاش مدرسے کے 16 سالہ طالب علم مذمل یعقوب کی ہے، جو 8 فروری کی رات گھر سے نکلنے کے بعد لاپتہ تھا۔
پولیس نے بتایا کہ بچے کی گمشدگی کا مقدمہ 10 فروری کو تھانہ صدر میں درج کیا گیا تھا۔ لاش کے بعض اعضا مسخ شدہ ہیں اور شناخت والد نے کپڑوں کی بنیاد پر کی۔ ڈی این اے ٹیسٹ کے ذریعے تصدیق بھی کی جائے گی تاکہ شناخت اور مقدمے کی تحقیقات میں مزید شفافیت آئے۔
پولیس کا کہنا ہے کہ واقعے کی مکمل تفتیش جاری ہے اور ذمہ دار افراد کو قانون کے مطابق سزا دلانے کے لیے ہر ممکن اقدامات کیے جا رہے ہیں۔
ذریعہ
ذریعہ: Daily Mumtaz
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا