پاک بھارت ٹاکرا: بارش مقابلے کو مزید سنسنی خیز بنائے گی، عامر سہیل
اشاعت کی تاریخ: 14th, February 2026 GMT
پاکستان کے سابق ٹیسٹ کرکٹر عامر سہیل نے پاک بھارت ٹاکرے سے قبل بارش کے امکانات پر بات کرتے ہوئے کہا ہے کہ بارش میچ کے جوش و خروش کو کم نہیں کرے گی بلکہ اسے اور بھی سنسنی خیز بنا دے گی۔
ایک انٹرویو میں عامر سہیل نے بتایا کہ اگر میچ بارش کی وجہ سے کم اوورز کا ہو جاتا ہے تو یہ دونوں ٹیموں کے پاور ہٹرز کے لیے فائدہ مند ہوگا، جس سے شائقین کے لیے مقابلہ مزید دلچسپ اور جذباتی ہو جائے گا۔ ان کا کہنا تھا کہ کم اوورز کے میچ میں کھلاڑی شروع سے ہی جارحانہ انداز اپناتے ہیں، جس سے کھیل میں توانائی اور تفریح کی شدت بڑھ جاتی ہے۔
عامر سہیل نے کھلاڑیوں کو مشورہ دیا کہ وہ دباؤ میں آنے کے بجائے مکمل توجہ کے ساتھ میدان میں اتریں۔ انہوں نے کہا: “پاک بھارت میچ میں جذبات اور دباؤ فطری بات ہیں، لیکن کھلاڑیوں کو کسی بھی قسم کی ٹرش ٹاک کو منفی انداز میں لینے کے بجائے اسے اپنی کارکردگی بہتر بنانے کے لیے محرک کے طور پر استعمال کرنا چاہیے۔”
انہوں نے مزید کہا کہ بڑے میچز میں ذہنی مضبوطی ہی کامیابی کی کنجی ہوتی ہے، اور جو ٹیم دباؤ کو بہتر انداز میں سنبھالے گی، وہی میدان مارے گی۔
واضح رہے کہ پاکستان اور بھارت کے درمیان کولمبو میں ہونے والے ٹی 20 ورلڈکپ کے ہائی وولٹیج ٹاکرے پر بارش کے اثرات کے خدشات ظاہر کیے جا رہے ہیں، لیکن عامر سہیل کے مطابق یہ خدشات مقابلے کی سنسنی میں اضافہ کریں گے۔
ذریعہ
ذریعہ: Daily Mumtaz
کلیدی لفظ: عامر سہیل
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار