پاک بھارت ٹی 20 میچ: قومی ٹیم اتوار کو روایتی حریف کو پچھاڑ دے گی، ڈاکٹر نعمان نیاز کا دلائل کے ساتھ دعویٰ
اشاعت کی تاریخ: 14th, February 2026 GMT
کرکٹ تجزیہ کار و صحافی ڈاکٹر نعمان نیاز کا کہنا ہے کہ بھارتی کرکٹ ٹیم کی موجودہ فارم اور صلاحیتیں اپنی جگہ لیکن اتوار کو ٹی 20 ورلڈ کپ کے کولمبو میں ہونے والے پاک بھارت میچ میں جیت پاکستان ٹیم کی ہی ہوگی۔
یہ بھی پڑھیں: عثمان طارق کے بولنگ ایکشن پر تنازع ختم؟ بھارتی امپائر نے پاک بھارت میچ سے پہلے کلیئر قرار دے دیا
ایک نجی ٹی وی کے پروگرام میں گفتگو کرتے ہوئے ڈاکٹر نعمال نیاز نے کہا کہ اس میں کوئی شک نہیں کہ بھارتی ٹیم کا پلڑا ہر لحاظ سے بھاری ہے لیکن وہ میچ کا آغاز بیحد دباؤ میں کرے گی۔
انہوں نے کہا کہ بھارتی کرکٹرز پر وہ دباؤ اور شرمندگی بھی ہے جو گزشتہ ہوئے میچز میں ان کو ہاتھ نہ ملانے، ٹرافی نہ وصول کرنے پر مجبور کیا گیا تھا۔
جب ان سے پوچھا گیا کہ کچھ کھلاڑیوں بشمول ثقلین مشتاق کا بھی خیال ہے کہ پاکستان جیتے گا تو کہیں ہم قوم کو بہت زیادہ امید تو نہیں دلا رہے۔ اس پر ڈاکٹر نعمان نیاز کا کہنا تھا کہ جس طرح کی صورتحال ہے اور پاکستان کے جو تگڑے اسپنرز ہیں اس لحاظ سے پاکستان کے چانسز زیادہ ہیں۔
مزید پڑھیے: ٹی 20 ورلڈ کپ: پاک بھارت میچ کی تمام سیٹیں بُک، ٹکٹ بلیک میں 4 گنا قیمت پر فروخت
انہوں نے کہا کہ ہاں اگر میچ بھارت میں ہوتا تو صورتحال شاید مختلف ہوتی۔ انہوں نے مزید کہا کہ اگر بارش کی وجہ سے میچ مختصر ہوگیا تو پھر اس صورت میں تو پاکستان کی بھارت کے خلاف جیتنے کے چانسز مزید بڑھ جائیں گے۔
ڈاکٹر نعمان نیاز نے کہا کہ اسکلز کی بنیاد پر نہیں بلکہ مجموعی صورتحال کے لحاظ سے پاکستان کی جیت کے امکانات روشن ہیں۔
انہوں نے مثال دیتے ہوئے کہا کہ جس طرح ایسوسی ایٹ ٹیمز اور پکی ٹیموں کا جب مقابلہ ہوتا ہے تو پکی ٹیمیں زیادہ پریشر میں ہوتی ہیں بالکل اسی طرح پاکستان اس وقت 7 ویں نمبر کی ٹیم ہے تو بھارت پر جیتنے کے لیے پریشر ہوگا۔
پاکستان کو میچ کے لیے منانے کی بڑی وجہ کیا تھی؟ڈاکٹر نعمان نیاز نے بتایا کہ آئی سی سی کو پاک بھارت کے اتوار کے میچ کا منافع ایک اعشاریہ 13 ارب امریکی ڈالرملے گا۔
انہوں نے وضاحت کیا کہ یہ تو وہ رقم ہے جو وائٹ منی کی صورت میں آئی سی سی کو ملے گی لیکن اگر ہم بلیک اکانومی کے اسٹیک ہولڈرز (آئی سی سی نہیں) کی بات کریں تو جس دن پاکستان اور بھارت کا کرکٹ میچ ہوتا ہے تو 45 ہزار کروڑ بھارتی روپے گردش کرتے ہیں۔
مزید پڑھیں: پاکستان ٹیم کے لیے کون سا بھارتی بڑا خطرہ، ٹی 20 ورلڈ کپ کون جیتے گا، سابق انگلش کرکٹر معین علی کی پیشگوئیاں
ڈاکٹر نعمان نیاز کا کہنا تھا کہ اس کے علاوہ بھارت میں میچ کے دوران جو 10 سیکنڈ کا اشتہار چلے گا اس پر 78 ہزار ڈالر حاصل ہوں گے۔ پہلے اسی سلاٹ کا ریٹ 45 ہزار ڈالر رہا ہے لیکن اب یہ تقریباً دگنا ہوچکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بھارت کرکٹ میچ پاک بھارت میچ پلڑا کس کا بھاری پاکستان بھارت کو ہرادے گا ڈاکٹر نعمان نیاز.
ذریعہ
ذریعہ: WE News
کلیدی لفظ: پاک بھارت کرکٹ میچ پاک بھارت میچ پلڑا کس کا بھاری پاکستان بھارت کو ہرادے گا ڈاکٹر نعمان نیاز ڈاکٹر نعمان نیاز کا پاک بھارت میچ نے کہا کہ انہوں نے کے لیے
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا