عمران خان کی ایک آنکھ کی بینائی تقریباً جا چکی ہے، خالد خورشید
اشاعت کی تاریخ: 14th, February 2026 GMT
سماجی رابطے کی ویب سائٹ ایکس پر انہوں نے مزید لکھا کہ جس نے 25 کروڑ لوگوں کے لئے انصاف پہ مبنی معاشرہ کی جدوجہد کی، وہ ہر مقدمہ میں معصوم ہونے کے باوجود 25 کروڑ لوگوں کے ہوتے ہوئے انصاف سے محروم ہے۔ اسلام ٹائمز۔ سابق وزیر اعلیٰ گلگت بلتستان و مرکزی رہنما پاکستان تحریک انصاف خالد خورشید نے کہا ہے کہ میں بہت بھاری دل کے ساتھ سب پاکستانیوں کے لیے یہ پیغام دے رہا ہوں کہ عمران خان جیل میں ہیں اور ان کی ایک آنکھ کی بینائی تقریباًً جا چکی ہے۔ جس نے 25 کروڑ لوگوں کے علاج کے لئے ہسپتال بنائے، اس کو آج اس کی 25 کروڑ عوام کے ہوتے ہوئے علاج سے محروم رکھا اور جان بوجھ کر آنکھ ضائع کر دی گئی۔ سماجی رابطے کی ویب سائٹ ایکس پر انہوں نے مزید لکھا کہ جس نے 25 کروڑ لوگوں کے لئے انصاف پہ مبنی معاشرہ کی جدوجہد کی، وہ ہر مقدمہ میں معصوم ہونے کے باوجود 25 کروڑ لوگوں کے ہوتے ہوئے انصاف سے محروم ہے۔ ان کا کہنا تھا کہ آج یہ لمحہ بہت اہم ہے، ہمارے لیے، 2022ء اپریل کو سب پاکستانی نکلے تھے، ہر شہر ہر گلی اور ہر گاوں میں قومی ترانہ پڑھتے ہوئے عمران خان کی کال پر پاکستان کے لیے، کل شام ہم سب پھر نکلیں بغیر کسی کی کال پہ عمران خان کے لیے، پاکستان کے لیے کیونکہ کچھ لمحے واپس نہیں آتے اور یہ لمحہ ایک قوم بننے کا ہے۔
.
ذریعہ
ذریعہ: Islam Times
کلیدی لفظ: کروڑ لوگوں کے کے لیے
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
وزارت آئی ٹی نے 1.67 ارب روپے سے زاید کے فنڈز طلب کرلیے