اسلام آباد ہائی کورٹ بار کے سالانہ انتخابات: واجد گیلانی دوبارہ صدر منتخب
اشاعت کی تاریخ: 14th, February 2026 GMT
اسلام آباد ہائی کورٹ بار ایسوسی ایشن کے سالانہ انتخابات میں واجد گیلانی ایڈووکیٹ ایک بار پھر صدر منتخب ہو گئے۔ انہوں نے 770 ووٹ حاصل کیے، جبکہ ان کے مدمقابل اشرف گوجر ایڈووکیٹ نے 761 ووٹ لیے۔ یوں صدارتی مقابلہ نہایت سنسنی خیز اور معمولی فرق سے طے پایا۔
دیگر عہدوں کے نتائج بھی جاری کر دیے گئے ہیں۔
ایڈیشنل سیکرٹری کے لیے فرزانہ فیصل خان 865 ووٹ لے کر کامیاب قرار پائیں، جبکہ ان کی حریف پلوشہ ایاز خان نے 644 ووٹ حاصل کیے۔
جوائنٹ سیکرٹری کے عہدے پر عثمان ناصر 939 ووٹ لے کر منتخب ہوئے، جبکہ وجاہت غوری 553 ووٹ لے سکے۔
فنانس سیکرٹری کے لیے ردا بتول نے 860 ووٹ حاصل کر کے کامیابی سمیٹی، جبکہ ان کے مقابل سید صلاح الدین کو 625 ووٹ ملے۔
چیف الیکشن بورڈ کے چیئرمین عادل عزیز قاضی اور دیگر اراکین نے باضابطہ طور پر کامیاب امیدواروں کا نوٹیفکیشن جاری کر دیا۔
دوسری جانب صدارتی امیدوار اشرف گوجر ایڈووکیٹ نے معمولی مارجن سے شکست کے بعد انتخابی نتائج پر اعتراضات اٹھائے ہیں۔ ان کے حامی وکلاء نے ووٹوں کی دوبارہ گنتی کا مطالبہ بھی کیا ہے، جس سے انتخابی ماحول میں مزید سرگرمی دیکھنے میں آ رہی ہے۔
ذریعہ
ذریعہ: Daily Mumtaz
پڑھیں:
پیٹرول اور ڈیزل کی قیمتوں میں پھر سے اضافہ
آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں چوتھے روز بھی اضافہ کردیا۔
ایکسپریس نیوز کے مطابق اوگرا نے پیٹرولیم مصنوعات کی قیمتوں میں 24 جولائی کیلیے اضافہ کرتے ہوئے نوٹی فکیشن جاری کردیا۔
نوٹی فکیشن کے مطابق پیٹرول کی قیمت میں 4 روپے 40 پیسے جبکہ ہائی اسپیڈ ڈیزل کی فی لیٹر قیمت میں 3 روپے 62 پیسے اضافہ کیا گیا ہے۔
حالیہ اضافے کے بعد پیٹرول کی نئی قیمت 331 روپے 52 پیسے جبکہ ہائی اسپیڈ ڈیزل کی نئی قیمت 378 روپے 66 پیسے فی لیٹر مقرر کردی گئی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی