ایران-امریکہ مذاکراتی نشست رواں ہفتے منعقد ہو گی، سوئٹزرلینڈ کا اعلان
اشاعت کی تاریخ: 14th, February 2026 GMT
اگرچہ ایرانی و امریکی حکام نے تاحال اپنی آئندہ ملاقات کے بارے کوئی باضابطہ تبصرہ نہیں کیا تاہم سوئٹزرلینڈ نے اعلان کیا ہے کہ یہ ملاقات اسی ہفتے منعقد ہو گی اسلام ٹائمز۔ ایران و امریکہ کے درمیان جوہری مذاکرات کی بحالی کے بعد اس سلسلے کی دوسری نشست کے انعقاد کے حوالے سے چہ میگوئیوں کا سلسلہ تاحال جاری ہے۔ اس دوران فرانسیسی خبررساں ایجنسی کا کہنا ہے کہ سوئٹزرلینڈ نے اعلان کیا ہے کہ ایران و امریکہ کے درمیان مذاکراتی ملاقات، عمان کی ثالثی میں، جاری ہفتے کے دوران جنیوا میں منعقد ہو گی۔
واضح رہے کہ ایران اور امریکہ کے درمیان گذشتہ مذاکراتی نشست چند روز قبل ہی عمان کے دارالحکومت مسقط میں منعقد ہوئی تھی جس میں ایرانی وزیر خارجہ سید عباس عراقچی اور امریکی مذاکراتکاروں اسٹیو وٹکاف نے اپنے اپنے وفود کی سربراہی کی تھی جبکہ عمانی وزیر خارجہ بدر البوسعیدی نے اس دوران ثالث کا کردار ادا کیا تھا۔
ذریعہ
ذریعہ: Islam Times
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
وزارت آئی ٹی نے 1.67 ارب روپے سے زاید کے فنڈز طلب کرلیے