نیتن یاہو ہمارے ملک آئے تو انہیں گرفتار کر لیا جائیگا، ناروے
اشاعت کی تاریخ: 14th, February 2026 GMT
اپنے ایک بیان میں نارویجین وزیر خارجہ کا کہنا تھا کہ مغربی کنارے میں صیہونی کارروائیاں دو ریاستی حل کے امکان کو کمزور کر رہی ہیں۔ اسلام ٹائمز۔ ناروے کے وزیر خارجہ "اسپن بارٹ ایڈے" نے اسرائیلی حکام کے خلاف ہیگ عدالت كے فیصلے کا حوالہ دیتے ہوئے کہا کہ ان کا ملک اسرائیلی رہنماؤں کے خلاف بین الاقوامی فوجداری عدالت (آئی سی سی) کی جانب سے جاری کردہ وارنٹ گرفتاری کی حمایت کرتا ہے۔ اس بارے میں انہوں نے موقف اپنایا کہ ہم، صیہونی وزیراعظم "نیتن یاہو" اور سابق اسرائیلی حکام کے خلاف بین الاقوامی فوجداری عدالت کے وارنٹ گرفتاری کی حمایت کرتے ہیں۔ اگر انہوں نے ہمارے ملک کا رُخ کیا تو ہم انہیں گرفتار کریں گے۔ اس دوران نارویجین وزیر خارجہ نے مغربی کنارے کی بگڑتی صورت حال پر تشویش کا اظہار کیا۔ انہوں نے کہا کہ وہاں صیہونی کارروائیاں دو ریاستی حل کے امکان کو کمزور کر رہی ہیں۔ واضح رہے کہ انٹرنیشنل کریمنل کورٹ (آئی سی سی) نے غزہ میں جنگی جرائم کے ارتکاب کے الزام میں بنیامین نیتن یاہو اور سابق وزیر دفاع "یوآو گیلنٹ" کے خلاف قانونی کارروائی شروع کر رکھی ہے۔ قابل غور بات ہے كہ دنیا کے مختلف ممالک نے ہیگ عدالت کے فیصلے کی عمل درآمدگی پر زور دیا۔ اس ضمن میں ان ممالک كا کہنا ہے کہ اگر نیتن یاہو ان کے ممالک کا سفر کریں گے تو انہیں گرفتار کر لیا جائے گا۔
.
ذریعہ
ذریعہ: Islam Times
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا