جماعت اسلامی کا کل کراچی میں 10 مقامات پر دھرنے دینے کا اعلان
اشاعت کی تاریخ: 14th, February 2026 GMT
فوٹو: جنگ/ شعیب احمد
جماعت اسلامی نے کل کراچی میں 10 مقامات پر دھرنے دینے کا اعلان کردیا۔ رکن سندھ اسمبلی محمد فاروق کو دھرنا ختم کرنے کے اعلان کے بعد گرفتار کرلیا گیا۔
ادارہ نور حق میں میڈیا سے گفتگو کرتے ہوئے امیر جماعت اسلامی حافظ نعیم الرحمان نے کہا کہ پرامن مظاہرین کیخلاف دہشتگردی کی گئی، دہشت گردی کے ذریعے احتجاج روکنے کی کوشش کی گئی ہے، ایم کیوایم اور پیپلزپارٹی نے کراچی کو تنہا کردیا۔
حافظ نعیم الرحمان نے کہا کہ کل پورے پاکستان میں احتجاج کیا جائے گا، گرفتار تمام کارکنوں کو رہا کیا جائے، وڈیرا مائنڈ سیٹ کو شکست دیں گے۔
امیر جماعت اسلامی کراچی منعم ظفر نے کہا کہ شرجیل میمن بتائیں کیوں کراچی کو نوگو ایریا بنایا ہے، پیپلز پارٹی کا تعاقب کریں گے، ظالموں کو بھاگنے نہیں دیں گے، کل کراچی میں 10 مقامات پر دھرنے ہوں گے۔
منعم ظفر نے کہا کہ کراچی کے حق کے لیے احتجاج کا اعلان کیا تھا، پیپلز پارٹی نے فاشزم کا مظاہرہ کیا، پرامن لوگوں پر ظلم کیا گیا، کئی کارکنان زخمی ہوئے جس کی مذمت کرتے ہیں، آنسو گیس شیلنگ کے باوجود برنس روڈ کے دکانداروں نے کاروبار جاری رکھا، پیپلز پارٹی نے آئینی جدوجہد کو روکنے کی کوشش کی ہے۔
پولیس نے جماعت اسلامی کا ساؤنڈ سسٹم لگا ٹرک قبضے میں لے لیا، جبکہ جماعت اسلامی کے 10 کارکنوں کو حراست میں لے لیا گیا۔
امیر جماعت اسلامی کراچی نے کہا کہ ہمارے کارکنان گرفتار ہیں آنسو گیس کی شیلنگ کی گئی، ایسا نہیں ہوسکتا شہر میں آگ لگے اور ہم خاموش رہیں، ہم پر 2022 اور 2023 کے ایکسپائر شیل چلائے گئے۔
ترجمان کا کہنا ہے کہ جماعت اسلامی کے رکن سندھ اسمبلی محمد فاروق کو دھرنا ختم کرنے کے اعلان کے بعد گرفتار کیا گیا، محمد فاروق کو نامعلوم مقام پر منتقل کیا گیا ہے۔
.
ذریعہ
ذریعہ: Jang News
کلیدی لفظ: جماعت اسلامی نے کہا کہ
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے