پریم یونین رہنمائوں کے وزیر اعظم سے مطالبات
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پریم یونین کے چیئرمین ضیاء الدین انصاری، صدر شیخ محمد انور، سیکرٹری جنرل خیر محمد تنیو، سینئر نائب صدر عبدالقیوم اعوان، چیف آرگنائزر خالد محمود چوہدری، اسسٹنٹ چیف آرگنائزر جنید خرم نے مشترکہ بیان میں کہا ہے کہ وزیراعظم شہباز شریف دیگر وفاقی اداروں کی طرح ریلوے کی تنخواہوں اور پنشن کو بھی حکومت اپنے ذمے لیں۔ اپریل 2023ء سے ریٹائرڈ ملازمین کے واجبات اور 2019ء سے ٹی اے کی عدم ادائیگی کے لیے صرف 20 ارب ادا کر دیں تو ریلوے ایک سال کے بعد منافع بخش ادارہ بن سکتاہے۔ جس کا تمام کریڈٹ وزیراعظم شہباز شریف اور وزیر ریلوے محمد حنیف عباسی کا ہوگا۔ پریم یونین کے رہنمائوںنے کہا ہے کہ ریلوے پاکستان کا سب سے بڑا رفاہی اور فلاحی ادارہ ہے۔ ماضی قریب میں ریلوے وزیر سے ملاقات میں ان کے مثبت ویژن اور ریلوے کی بہتری کے لیے ان کی مثبت پلاننگ ریلوے کے لیے خوش آئند ہے۔ پریم یونین کے مطالبہ پر ریلوے میں آپریشنل اور ٹیکنیکل اسٹاف کی کنٹریکٹ پر بھرتی کا عمل شروع ہو گیا ہے جس پر پریم یونین نے وزیر ریلوے محمد حنیف عباسی اور سی ای او ریلوے محمد عامر بلوچ کا شکریہ ادا کرتے ہوئے ان کی توجہ گریڈ 16 تک کی پرموشن کے لیے آئی بی کی کلیئرنس سے مستثنیٰ قرار دینے کی طرف دلاتے ہوئے کہا کہ اس حوالے سے بھی جلد از جلد نوٹیفیکیشن جاری کیا جائے تاکہ تاخیر کا شکار پرموشن کا عمل مکمل ہو کر ملازمین کو ان کا حق مل سکے۔ انہوںنے کہا ہے کہ تنخواہوں اور پنشن وفاقی حکومت اپنے ذمے لے لیں اور ریٹائرڈ ملازمین کے واجبات کی ادائیگی اور 2019 سے ٹی اے کی عدم ادائیگی کے لیے وزیراعظم بھی 20 ارب ریلوے کو یکمشت دے دیں تو ریلوے موجودہ حکومت کے ماتھے کا جھومر ادارہ ہوگا اور کروڑوں پاکستانیوں کے اذہان میں موجودہ حکومت کا مثبت تاثر ہوگا۔ انہوں نے پاکستان ریلوے کے شاندار ماضی کو واپس لانے اور اس کی انکم میں اضافہ کے لیے وزیر ریلوے محمد حنیف عباسی کی کوششوں اور خدمات کو سراہتے ہوئے اپنے مثبت تعاون کو مستقبل میں بھی جاری رکھنے کا اظہار کیا۔ رہنمائوں نے کہا کہ حکومت ریلوے انتظامیہ اور سی بی اے یونین کا آپس میں مضبوط اعتماد کا رشتہ اور بہتر باہمی تعاون ہی اداروں، حکومت اور اداروں کے ملازمین کی ترقی اور بہتری کی بنیاد ہوتی ہے۔ پریم یونین سی بی اے کی حیثیت سے اپنا یہ مثبت کردار ادا کرتی رہے گی۔ انہوں نے وزیراعظم شہباز شریف سے وزیر ریلوے محمد حنیف عباسی کی بھرپور سرپرستی اور ان کی رہنمائی کرنے کے ساتھ ساتھ ریلوے کی مالی مشکلات کے حل کے لیے بھی وزیر ریلوے کی مالی سپورٹ کی اپیل کی۔
ذریعہ
ذریعہ: Jasarat News
کلیدی لفظ: وزیر ریلوے محمد حنیف عباسی پریم یونین ریلوے کی کے لیے
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ