ایران کیساتھ معاہدہ آسان کام نہیں، امریکی وزیر خارجہ
اشاعت کی تاریخ: 16th, February 2026 GMT
بوڈاپیسٹ میں ایک پریس کانفرنس کے دوران امریکی وزیر خارجہ نے دعوی کیا ہے کہ ایران کیساتھ معاہدہ کوئی آسان کام نہیں کیونکہ اس ملک پر ’’بنیاد پرست شیعہ علماء‘‘ کی حکومت ہے اسلام ٹائمز۔ جنیوا میں جوہری مذاکرات کے موقع پر، بوڈاپیسٹ میں منعقدہ ایک پریس کانفرنس کے دوران ایران کے خلاف موقف اختیار کرتے ہوئے امریکی وزیر خارجہ مارکو روبیو نے، ایران کے ساتھ معاہدے کو "سخت کام" قرار دیا ہے۔ ہنگری کے وزیر اعظم کے ہمراہ ایک مشترکہ پریس کانفرنس میں امریکی وزیر خارجہ نے دعوی کیا کہ ایران کے ساتھ معاہدہ آسان کام نہیں کیونکہ ایران پر "بنیاد پرست شیعہ علماء" کی حکومت ہے جو مذہب کی بنیاد پر فیصلے کرتے ہیں نہ کہ جغرافیائی سیاسی فیصلے!
اس موقع پر روئٹرز نے ایران کے موقف کے بارے یہ سوال پوچھا کہ کیا کل ہونے والے مذاکرات کے ایجنڈے میں ایرانی میزائل پروگرام شامل نہیں اور کیا اگر اس میں میزائل پروگرام شامل نہ ہو تو ایران کے ساتھ ایسا جوہری معاہدہ آپ کے لئے قابل قبول ہو گا؟ جس کا براہ راست جواب نہ دیتے ہوئے امریکی وزیر خارجہ نے کہا کہ میں وقت سے پہلے فیصلہ نہیں کروں گا.
ذریعہ
ذریعہ: Islam Times
کلیدی لفظ: امریکی وزیر خارجہ نے ایران کے
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ