بانی کے ساتھ ان کے ڈاکٹر، فیملی کی ملاقات کروائی جائے، بیرسٹر گوہر
اشاعت کی تاریخ: 16th, February 2026 GMT
بیرسٹر گوہر : فائل فوٹو
چیئرمین پاکستان تحریک انصاف بیرسٹر گوہر کا کہنا ہے کہ بانی پی ٹی آئی کے ڈاکٹر نے کہا ہے کہ وہ یہ رپورٹ کنفرم بھی نہیں کرسکتے اور انکار بھی نہیں کر سکتے، ہمارا مطالبہ ہے کہ بانی پی ٹی آئی کے ساتھ ان کے ڈاکٹر اور فیملی کی ملاقات کروائی جائے۔
پارلیمنٹ ہاؤس میں میڈیا سے گفتگو کرتے ہوئے بیرسٹر گوہر نے کہا کہ ہمارا مطالبہ آج بھی وہی ہے جو ہم نے کل رکھا تھا، یہ کوئی سیاسی معاملہ نہیں بلکہ بانی پی ٹی آئی کی صحت کا معاملہ ہے، ہم پمز اسپتال گئے تھے، ہماری وہاں میٹنگ ہوئی تھی، ہمیں اچکزئی نے ہی ہدایت کی تھی کہ آپ نے وہاں جانا ہے۔
بیرسٹر گوہر نے کہا کہ بانی پی ٹی آئی کی ہی ہدایت ہے کہ محمود اچکزئی اور علامہ راجہ ناصر اپوزیشن لیڈر ہیں، محمود اچکزئی اور علامہ راجہ ناصر عباس جو ہدایت دیں گے ہم انہیں فالو کریں گے۔
میڈیکل رپورٹ کے مطابق بانی پی ٹی آئی کی صحت کا معائنہ کرنے کیلئے 2 رکنی میڈیکل بورڈ نے اڈیالہ جیل کا دورہ کیا، ڈاکٹر ندیم قریشی اور محمد عارف خان نے ان کی آنکھوں کا چیک اپ کیا۔
انہوں نے کہا کہ کل بانی پی ٹی آئی کے علاج کے دوران ہماری جیل انتظامیہ سے کوئی بات نہیں ہوئی، پارٹی کا کوئی مسئلہ نہیں، ہم چاہتے تھے کہ بانی پی ٹی آئی کی فیملی کی ان سے ملاقات ہو، اس وقت تمام فیصلوں کا اختیار محمود اچکزائی اور علامہ راجہ ناصر عباس کے پاس ہے۔
بیرسٹر گوہر نے کہا کہ کل ہم جو لوگ یہاں بیٹھے تھے ان کی مشاورت سے ہی ہم پمز گئے تھے، جو رپورٹ سامنے آئی ہے اس پر سینئر ڈاکٹر ہی فیصلہ کریں گے، میں ڈاکٹر نہیں ہوں، میں نے گھر کال کرنی تھی اس لیے باہر آیا تھا، گھر سے دوائی منگوانی تھی۔
.
ذریعہ
ذریعہ: Jang News
کلیدی لفظ: بانی پی ٹی آئی کی بیرسٹر گوہر نے کہا کہ
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ