بانی کے علاج معاملے پر حکومت ذمے داری کا مظاہرہ کر رہی ہے، طارق فضل چوہدری
اشاعت کی تاریخ: 16th, February 2026 GMT
فائل فوٹو
وفاقی وزیر پارلیمانی امور طارق فضل چوہدری نے کہا ہے کہ بانی پی ٹی آئی کےعلاج سے متعلق حکومت ذمے داری کا مظاہرہ کر رہی ہے، آنکھ کے بہترین ماہرین معائنہ کریں گے۔
پارلیمنٹ ہاؤس میں جیو نیوز سے گفتگو کرتے ہوئے طارق فضل چوہدری نے کہا کہ اگر بانی پی ٹی آئی کو اسپتال منتقل کرنے کی ضرورت پڑی تو کریں گے جیسے پہلے پمز لایا تھا۔
انہوں نے کہا کہ بانی پی ٹی آئی سمیت جو 8 ہزار قیدی جیل میں ہیں، سب کی صحت کی ذمے داری حکومت کی ہے، آئی ڈپارٹمنٹ کے ہیڈ نے بانی کا معائنہ کیا ہے۔
وفاقی وزیر نے مزید کہا کہ رپورٹ کے مطابق ایک آنکھ مکمل ٹھیک ہے، دوسری کی بینائی 70 فیصد ٹھیک ہے، ہم نے پی ٹی آئی سے کہا ہے اس معاملے پر سیاست نہ کی جائے۔
اُن کا کہنا تھا کہ آج پارلیمنٹ اور باہر حالات نارمل ہیں، پی ٹی آئی اگر لان میں بیٹھنا چاہتی ہے تو بیٹھ جائے، یہ خیبر پختونخوا میں کاروبار زندگی کو معطل کرنے کی کوشش کررہے ہیں۔
طارق فضل چوہدری نے یہ بھی کہا کہ کچھ شاہراہوں کو بند کیا ہے، جہاں لوگوں کو دشواری کا سامنا کرنا پڑرہا ہے، بانی پی ٹی آئی کی جو ٹریٹمنٹ ہونی تھی وہ پمز سے ایک بار ہوگئی ہے۔
انہوں نے کہا کہ ابھی جیل کے اندر جو ڈاکٹرز نے معائنہ کیا ہے، اسے تسلی بخش قرار دیا ہے، ہم نے پی ٹی آئی کے لوگوں کو دعوت دی کہ آپ اس معائنے میں شامل ہونا چاہیں تو ہوجائیں۔
وفاقی وزیر نے کہا کہ جب جیل میں کل معائنہ ہورہا تھا تو ہم ان کی پارٹی کے لوگوں کا 2 گھنٹے انتظار کرتے رہے، دعوت دینے کے باوجود کل پی ٹی آئی والے نہیں آئے۔
اُن کا کہنا تھا کہ ابھی تک کوئی ڈھیل یا ڈیل والی بات سامنے نہیں آئی، پی ٹی آئی ون مین شو ہے پارلیمانی پارٹی کی کوئی حیثیت نہیں، بانی پی ٹی آئی کی ڈائریکشن صرف افراتفری پیدا کرنے والی ہیں۔
.
ذریعہ
ذریعہ: Jang News
کلیدی لفظ: طارق فضل چوہدری بانی پی ٹی ا ئی نے کہا کہ
پڑھیں:
شازیہ مری کا گلگت بلتستان الیکشن میں وفاقی حکومت پر سرکاری وسائل کے استعمال کا الزام
پاکستان پیپلز پارٹی کی سینئر رہنما شازیہ مری نے گلگت بلتستان کے الیکشن میں وفاقی حکومت پر اثر و رسوخ اور سرکاری وسائل کے استعمال کا الزام لگادیا۔
کراچی سے جاری بیان میں شازیہ مری نے کہا کہ گلگت بلتستان میں وفاقی وزراء کی انتخابی مہم میں موجودگی اور سرکاری مشینری کا استعمال تشویشناک ہے۔
چیئرمین پاکستان پیپلز پارٹی ( پی پی پی) بلاول بھٹو زرداری نے کہا ہے کہ دعا گو ہوں کہ جنگ کے خاتمے کےلیے فیلڈ مارشل کی کوششیں کامیاب ہوں۔
انہوں نے کہا کہ انتخابی عمل میں مداخلت شفافیت اور منصفانہ انتخابات پر سوالیہ نشان ہے، الیکشن کےلیے لیول پلینگ فیلڈ ناگزیز ہے۔
پی پی پی رہنما نے مزید کہا کہ بلاول بھٹو کے فارم 45 اور فارم 47 سے متعلق بیان کو سیاق و سباق سے ہٹ کر پیش کیا جا رہا ہے۔
ان کا کہنا تھا کہ بلاول بھٹونے عوام کو یاد دلایا کہ گزشتہ انتخابات میں پیپلز پارٹی کی 9 نشستیں چھینی گئی تھیں، پی پی چیئرمین نے عوام سے کہا تھا کہ اپنے ووٹ اور فارم 45 کی حفاظت کریں۔
شازیہ مری نے یہ بھی کہا کہ درست فارم 45 کی موجودگی میں کسی کو عوامی مینڈیٹ چرانے کا موقع نہیں مل سکتا، فارم 45 انتخابی نتائج کی بنیاد ہے، اسی کے بعد فارم 47 جاری کیا جاتا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے