وزیراعظم کی آسٹریا کے چانسلر سے وفود کی سطح پر ملاقات، جرمن زبان میں گفتگو پر سب دنگ رہ گئے
اشاعت کی تاریخ: 16th, February 2026 GMT
وزیراعظم پاکستان شہباز شریف نے آسٹریا کے ساتھ مختلف شعبوں میں باہمی تعاون کو فروغ دینے کی خواہش کا اعادہ کرتے ہوئے کہا ہے کہ پاکستان کاروبار کے لیے کھلا ہے اور آسٹریا کے ساتھ شراکت داری کے نئے مرحلے کے لیے تیار ہے۔
انہوں نے آسٹریا کے سرمایہ کاروں پر زور دیا کہ وہ پاکستان میں دستیاب پرکشش مواقع سے فائدہ اٹھائیں اور تجارت اور علمی تبادلوں پر توجہ دیں۔
مزید پڑھیں: پاکستان میں سرمایہ کاری کے وسیع مواقع موجود، حکومت سرمایہ کاروں کو تحفظ فراہم کرےگی، وزیراعظم
وزیراعظم نے کہاکہ دونوں ممالک سیاحت کے شعبے میں تعاون کے خواہاں ہیں اور جی ایس پی پلس کے حوالے سے آسٹریا کی قیادت کے تعاون پر شکریہ ادا کیا۔
وزیراعظم نے یہ خیالات پیر کو آسٹریا کے چانسلر کرسچئین اسٹاکر کے ساتھ وفود کی سطح پر مذاکرات کے دوران ظاہر کیے۔
وزیراعظم نے وفود کی سطح پر مذاکرات کا آغاز جرمن زبان میں کیا، جس پر فیڈرل چانسلر اور ان کے وفد کے ارکان دنگ رہ گئے۔
انہوں نے کہا کہ آسٹریائی چانسلر سے دوبارہ ملاقات پر انہیں بے حد خوشی ہوئی اور پچھلے سال نیویارک میں ہونے والی ملاقات یاد آ رہی ہے۔
وزیراعظم نے ثقافتی تعاون کی اہمیت پر بھی زور دیا اور کہا کہ لاہور میں آسٹریا کے تعاون سے قائم کیے گئے ثقافتی سینٹر کے سرپرست ہونے کے ناطے یہ تعاون پاکستان اور آسٹریا کے درمیان دوستی کو فروغ دینے میں اہم کردار ادا کرتا ہے۔
وزیراعظم نے مزید کہاکہ وہ پاکستان کے پیغام اور پاکستانی عوام کی نیک تمناؤں کے ساتھ آئے ہیں اور چاہتے ہیں کہ آسٹریا کے دوست پاکستان میں موجود وسیع مواقع سے استفادہ کریں۔
انہوں نے کہا کہ حکومت پاکستان نے کاروباری ماحول کو بہتر بنانے کے لیے متعدد اقدامات کیے ہیں اور وہ چاہتے ہیں کہ دونوں ملک تجارتی، علمی اور تکنیکی شعبوں میں تعاون کریں۔
وزیراعظم نے زور دیا کہ غیر قانونی نقل مکانی کے مسائل کا مشترکہ حل نکالا جائے اور ہنر مند پاکستانی نوجوانوں کو آسٹریا میں روزگار کے مواقع فراہم کیے جائیں۔
وزیراعظم نے کہاکہ وہ جانتے ہیں کہ آسٹریا کے پہلے ہی دیگر ممالک کے ساتھ معاہدے موجود ہیں، لیکن پاکستان خوبصورت ملک ہے جس میں بلند پہاڑ اور دلکش مناظر ہیں، اس لیے سیاحت کے شعبے میں تعاون کا خیرمقدم کریں گے۔
شہباز شریف نے آسٹریا کے چانسلر کا بھرپور استقبال کرنے پر شکریہ ادا کیا اور کہا کہ آنے والے برسوں میں باہمی تعاون کو مزید وسعت دینا چاہتے ہیں۔
انہوں نے چانسلر کو پاکستان کے دورے کی دعوت بھی دی اور یقین دلایا کہ ان کا پاکستان میں خوش آمدید استقبال کیا جائے گا۔
مزید پڑھیں: پاک امریکا تعلقات: دہشتگردی، سیکیورٹی اور سرمایہ کاری میں تعاون جاری
انہوں نے بتایا کہ موزارٹ کے شہر اور ویانا میں شوئن برن محل کے دورے کے دوران انہیں گرمی سے خوش آمدید کہا گیا، اور ویانا سٹیٹ اوپیرا میں کافی اور دیگر تجربات سے لطف اندوز ہوئے۔
وزیراعظم نے کہاکہ وہ نوجوانی میں آسٹریا کے دورے کے تجربات کو کبھی نہیں بھولیں گے اور یہ ملاقاتیں ہمیشہ یادگار رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews شراکت داری شہباز شریف ملاقات وزیراعظم پاکستان وی نیوز.
ذریعہ
ذریعہ: WE News
کلیدی لفظ: شراکت داری شہباز شریف ملاقات وزیراعظم پاکستان وی نیوز پاکستان میں میں تعاون آسٹریا کے انہوں نے کے ساتھ کہا کہ کے لیے نے کہا
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ