نیٹ میٹرنگ: پرانے صارفین کیلئے پرانے نرخ برقرار
اشاعت کی تاریخ: 16th, February 2026 GMT
اسلام آباد: وزیر اعظم شہباز شریف کے نوٹس لینے کے بعد نیشنل الیکٹرک پاور ریگولیٹری اتھارٹی نے موجودہ سولر صارفین کے لیے نیٹ میٹرنگ پالیسی برقرار رکھنے سے متعلق ترمیمی مسودے کا نوٹیفکیشن جاری کر دیا ہے، جس کے تحت پرانے صارفین کو سابقہ نرخ اور طریقہ کار کے مطابق سہولت حاصل رہے گی۔
نوٹیفکیشن کے مطابق پہلے سے نصب سولر سسٹم رکھنے والے صارفین کے معاہدے اپنی مقررہ مدت تک برقرار رہیں گے اور ان کے لیے یونٹ کے بدلے یونٹ بجلی کے تبادلے کا نظام جاری رہے گا۔ اتھارٹی نے اس مسودے پر 30 روز کے لیے عوامی آراء بھی طلب کر لی ہیں تاکہ اسٹیک ہولڈرز کی تجاویز کی روشنی میں حتمی فیصلہ کیا جا سکے۔
واضح رہے کہ نیپرا نے 9 فروری کو سولر ریگولیشنز 2026 جاری کیے تھے، جن پر مختلف حلقوں کی جانب سے تحفظات سامنے آئے تھے۔ اس صورتحال پر وزیر اعظم نے نوٹس لیتے ہوئے پاور ڈویژن کو ہدایت کی تھی کہ موجودہ سولر صارفین کے مفادات کا تحفظ یقینی بنایا جائے، جس کے بعد نظرثانی درخواست اتھارٹی میں جمع کرائی گئی۔
ترمیمی مسودے کے مطابق نئے سولر صارفین کے لیے متعارف کرائی گئی ترامیم بدستور مؤثر رہیں گی۔ نئے صارفین اگر نیشنل گرڈ کو بجلی فراہم کریں گے تو انہیں فی یونٹ 8 روپے 13 پیسے ادائیگی کی جائے گی، جو سابقہ نرخوں کے مقابلے میں نمایاں طور پر کم ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل صارفین کے کے لیے
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی