ماہ رمضان عبادت اور اصلاح نفس کا مہینہ ہے ،مفتی مشتاق کمبوہ
اشاعت کی تاریخ: 17th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ماتلی(نمائندہ جسارت) ماتلی کے معروف دینی مدرسے کے منتظم اور عالمِ دین مفتی مشتاق احمد کمبوہ سے نوجوانوں کے ایک بارہ رکنی وفد نے ماہِ رمضان کی تیاریوں کے حوالے سے ملاقات کی۔ وفد میں محمد رحیم گدی، محمد عمران غلام رسول، زید نوتکاٹی، زکریا پٹھان، محمد ابراہیم گدی، امیر حمزہ گدی اور دیگر نوجوان شامل تھے جنہوں نے رمضان المبارک کی روحانی تیاری اور نوجوانوں کی ذمے داریوں کے حوالے سے رہنمائی حاصل کی۔ اس موقع پر نوجوانوں سے خطاب کرتے ہوئے مفتی مشتاق احمد کمبوہ نے کہا کہ ماہِ رمضان بازاروں میں گھومنے پھرنے یا سیروتفریح کا مہینہ نہیں بلکہ اپنے رب کو راضی کرنے، عبادات میں اضافہ کرنے اور روحانی اصلاح کا مہینہ ہے۔ انہوں نے کہا کہ رمضان المبارک اللہ تعالیٰ کی رحمتوں اور نعمتوں کے نزول کا مہینہ ہے اور اس کا ایک ایک لمحہ انتہائی قیمتی ہے، اس لیے مسلمانوں خصوصاً نوجوانوں کو چاہیے کہ وہ اس بابرکت مہینے سے بھرپور استفادہ کریں۔ انہوں نے نوجوانوں کو تلقین کی کہ وہ اپنے شب و روز کے معمولات اور روزمرہ شیڈول میں مثبت تبدیلی لائیں اور زیادہ سے زیادہ وقت اذکار، عبادات اور دینی سرگرمیوں میں گزاریں تاکہ رمضان المبارک کی حقیقی روح سے فیضیاب ہو سکیں۔ مفتی مشتاق احمد کمبوہ کا کہنا تھا کہ علما کرام کی رہنمائی میں زندگی کو منظم کرنا اور وقت کی قدر کرنا ہی رمضان المبارک کا اصل پیغام ہے۔ ملاقات کے اختتام پر نوجوانوں نے مفتی مشتاق احمد کمبوہ کا شکریہ ادا کیا اور اس عزم کا اظہار کیا کہ وہ رمضان المبارک کو عبادت، نیکیوں اور اصلاحِ نفس کے ذریعے بامقصد انداز میں گزارنے کی کوشش کریں گے۔
ذریعہ
ذریعہ: Jasarat News
کلیدی لفظ: کا مہینہ
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے