پاکستان کلچرل گروپ ریاض کی جانب سے تفریحی پروگرام، کمیونٹی کی بھرپور شرکت
اشاعت کی تاریخ: 17th, February 2026 GMT
سعودی عرب کے دارالحکومت ریاض میں پاکستان کلچرل گروپ کی جانب سے ایک شاندار سیروتفریحی پروگرام کا انعقاد کیا گیا، جس میں پاکستانی کمیونٹی اور ان کے اہلخانہ نے بڑی تعداد میں شرکت کی۔
یہ بھی پڑھیں: سعودی فوٹوگرافر نے مدینہ منورہ کو نئے زاویے سے پیش کر دیا
تقریب میں سعودی عرب میں پاکستان کے سفیر احمد فاروق نے خصوصی شرکت کی جبکہ مختلف شعبہ ہائے زندگی سے تعلق رکھنے والی پاکستانی فیملیز نے پروگرام کو بھرپور انداز میں انجوائے کیا۔
تقریب کے دوران بچوں اور بڑوں کے لیے متنوع تفریحی سرگرمیوں کا اہتمام کیا گیا۔ کرکٹ کے شوقین افراد کے لیے خصوصی کرکٹ میچز منعقد کیے گئے جن میں بچوں اور بڑوں نے جوش و خروش کے ساتھ حصہ لیا۔ مختلف ٹیمیں تشکیل دی گئیں اور میچز کو باقاعدہ نام دیے گئے، جس سے کھیلوں کا ماحول مزید دلچسپ ہو گیا۔
بچوں کی تفریح کے لیے خصوصی ایکٹیوٹیز رکھی گئیں جن میں ٹوائے ٹرین، جھولے، کھلونوں کے اسٹالز اور دیگر سرگرمیاں شامل تھیں۔
بچوں کے لیے پیش کیا گیا میجک شو بھی تقریب کی خاص توجہ کا مرکز رہا جس سے ننھے شرکا نے خوب لطف اٹھایا۔
مزید پڑھیے: جنوری میں 3 ارب 46 کروڑ ڈالر کی ترسیلات زر موصول، سعودی عرب پہلے نمبر پر رہا
تقریب میں پاکستانی ثقافت کو اجاگر کرتے ہوئے روایتی پاکستانی کھانوں کا بھی خصوصی اہتمام کیا گیا۔ شرکا نے پوری، چنے، تکّہ اور دیگر دیسی پکوانوں سے لطف اٹھایا، جس نے پردیس میں وطن کی یادیں تازہ کر دیں۔
اس موقعے پر ایک دلکش میوزیکل شو بھی پیش کیا گیا جس نے تقریب کے ماحول کو مزید خوشگوار بنا دیا۔ پروگرام کے اختتام پر قرعہ اندازی کے ذریعے عمرہ ٹکٹ سمیت مختلف قیمتی تحائف اور انعامات شرکاء میں تقسیم کیے گئے جس پر حاضرین نے پاکستان کلچرل گروپ کی کاوشوں کو بے حد سراہا۔
پاکستان کلچرل گروپ کے صدر ظفر خان اور سیکریٹری جنرل مشتاق ورک نے اس موقع پر گفتگو کرتے ہوئے کہا کہ ایسے پروگرامز کا مقصد پردیس میں مقیم پاکستانیوں کو ایک دوسرے کے قریب لانا، باہمی ہم آہنگی کو فروغ دینا اور پاکستانی ثقافت کو زندہ رکھنا ہے۔
انہوں نے کہا کہ پاکستان کلچرل گروپ آئندہ بھی کمیونٹی کے لیے اس نوعیت کی مثبت اور تعمیری سرگرمیوں کا سلسلہ جاری رکھے گا۔
اس موقعے پر سفیرِ پاکستان احمد فاروق نے خطاب کرتے ہوئے کہا کہ سعودی عرب، بالخصوص ریاض میں پاکستانی وائٹ کالر ڈائسپورا کی ایک بڑی تعداد مقیم ہے جو پاکستان کی ثقافت اور روایات سے گہرا لگاؤ رکھتی ہے۔
انہوں نے پاکستان کلچرل گروپ اور اس کی قیادت، بالخصوص محترم مشتاق ورک اور محترم ظفر اللہ خان کی کوششوں کو خراج تحسین پیش کیا۔
سفیرِ پاکستان نے کہا کہ ان حضرات کی انتھک کاوشوں کے باعث پاکستانی کمیونٹی کو متحد رکھنے اور پاکستانی ثقافت کے فروغ کے لیے مشاعروں، سماجی سرگرمیوں، ثقافتی پروگرامز اور سالانہ پکنک جیسے بامقصد ایونٹس کا انعقاد کیا جاتا ہے۔
مزید پڑھیں: سعودی عرب کی کنگ عبداللہ یونیورسٹی مشرقِ وسطیٰ اور ایشیا میں فیفا کا پہلا ریسرچ انسٹی ٹیوٹ نامزد
انہوں نے مزید کہا کہ سفارتخانہ پاکستان ایسی تمام تقریبات کو نہایت قدر کی نگاہ سے دیکھتا ہے اور کمیونٹی کے ساتھ روابط مضبوط بنانے کے لیے ہر ممکن تعاون جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کلچرل گروپ ریاض سعودی عرب سفیرِ برائے سعودی عرب احمد فاروق.
ذریعہ
ذریعہ: WE News
کلیدی لفظ: پاکستان کلچرل گروپ ریاض سفیر برائے سعودی عرب احمد فاروق میں پاکستان کیا گیا کہا کہ کے لیے
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا