اسلام آباد پولیس کی بڑی کارروائی، منظم کباڑی گینگ کے 3 ڈکیت گرفتار
اشاعت کی تاریخ: 17th, February 2026 GMT
اسلام آباد پولیس کی انسداد ڈکیتی یونٹ نے بڑی کارروائی کرتے ہوئے گھریلو چوری کی وارداتوں میں ملوث سابقہ ریکارڈ یافتہ منظم کباڑی گینگ کے 3 ارکان کو سرغنہ سمیت گرفتار کرلیا۔
پولیس کے مطابق گرفتار ملزمان میں سدھیر، عبدالرحمان اور وحید اللہ شامل ہیں، جو تھانہ لوہی بھیر اور تھانہ بنی گالہ کے متعدد مقدمات میں پولیس کو مطلوب تھے۔
یہ بھی پڑھیے: اسلام آباد: افغان ڈکیت گینگ کی پولیس پر فائرنگ، سرغنہ زخمی حالت میں گرفتار
ترجمان اسلام آباد پولیس کے مطابق گرفتار گینگ سے ایک کروڑ 15 لاکھ روپے سے زائد مالیت کا مالِ مسروقہ برآمد کیا گیا ہے۔ برآمد ہونے والے سامان میں کروڑوں روپے مالیت کی پاکستانی و غیر ملکی کرنسی، قیمتی گھڑیاں، موبائل فونز، ٹیبلٹ فون اور طلائی زیورات شامل ہیں۔
پولیس کا کہنا ہے کہ ملزمان دن کے وقت گھروں کی ریکی کرتے اور رات کے وقت وارداتیں کرتے تھے۔ کارروائی کے دوران وارداتوں میں استعمال ہونے والا اسلحہ بھی برآمد کرلیا گیا۔
یہ بھی پڑھیے: سیکیورٹی فورسز کی کارروائی، خاران بینک ڈکیتی کا ماسٹر مائنڈ بی ایل اے کمانڈر ہلاک
ڈی آئی جی اسلام آباد محمد جواد طارق نے کہا کہ اسلام آباد پولیس منظم اور متحرک گینگز کے خلاف بڑے پیمانے پر کارروائیاں عمل میں لا رہی ہے۔ ان کا کہنا تھا کہ شہریوں کے جان و مال کا تحفظ اسلام آباد پولیس کی اولین ترجیح ہے۔
پولیس نے مزید تفتیش شروع کر دی ہے اور امکان ظاہر کیا جا رہا ہے کہ ملزمان سے مزید اہم انکشافات سامنے آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Islamabad Police اسلام آباد پولیس جرائم ڈکیتی.
ذریعہ
ذریعہ: WE News
کلیدی لفظ: اسلام ا باد پولیس ڈکیتی اسلام آباد پولیس
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
وزارت آئی ٹی نے 1.67 ارب روپے سے زاید کے فنڈز طلب کرلیے