جرأت کی خبر پر کارروائی،تھانہ گلبرگ کامنشیات فروشوں کیخلاف فوری ایکشن
اشاعت کی تاریخ: 17th, February 2026 GMT
منشیات و گٹکا ماوا فروشی میں ملوث عمران عرف منا ٹن اور عمران عرف ہوشیار ہوٹل والا پکڑے گئے
دونوں ملزمان کے پاس سے آئس، کرسٹال اور گٹکا ماوا کی پڑیاں برآمدہوئیں،ایس ایس پی سینٹرل
(رپوٹ؍ایم جے کے)ڈسٹرکٹ سینٹر تھانہ گلبرگ کی’ جرات کی خبر پر منشیات فروشوں کے خلاف کارروائی، منشیات و گٹکا ماوا فروشی میں ملوث عمران عرف منا ٹن اور عمران عرف ہوشیار ہوٹل والا پکڑے گئے، دونوں ملزمان کے پاس سے آئس، کرسٹال اور گٹکا ماوا کی پڑیاں برآمد ہوئیں، تھانہ گلبرگ۔ تفصیلات کے مطابق کچھ دن قبل ادارہ جرات کی جانب سے تھانہ گلبرگ اور تھانہ شریف آباد کی حدود میں منشیات و گٹکا ماوا فروخت کرنے والے ڈیلروں کے ناموں اور فروخت کی جگہوں کے حوالے سے خبر شائع کی گئی جس پر ایس ایس پی سینٹرل ڈاکٹر عمران خان نے فوری ایکشن لیتے ہوئے احکامات جاری کیے جس پر ایس ایچ او گلبرگ زاہد لودھی کی جانب سے منشیات و گٹکا ماوا فروشوں کے خلاف انٹیلی جنس بیس کارروائی کی گئی، اس کارروائی کے نتیجے میں عمران عرف منا ٹن اور عمران عرف ہوشیار ہوٹل والا پکڑے گئے جن کے پاس سے 25 گرام آئس، 25 گرام کرسٹال اور گٹکا ماوا کی کء پڑیاں برآمد ہوئیں، عمران عرف منا ٹن پر اس سے پہلے بھی چار ایف آئی آر درج تھیں ایک تیموریہ تھانہ، ایک حیدری تھانہ اور دو شریف آباد تھانہ میں، جبکہ عمران عرف ہوشیار ہوٹل والا پر تھانہ گلبرگ میں ایک ایف آئی آر درج تھی، تھانہ گلبرگ کا کہنا ہے کہ دونوں ملزمان عادی مجرم ہیں منشیات و گٹکا ماوا فروشی کے علاوہ موٹرسائیکل کی چھینا جھپٹی میں بھی ملوث ہیں، ایف آئی آر 100؍26 درج کر کے مزید تفتیش کے لیے انویسٹی گیشن پولیس کے حوالے کر دیا، ایس ایچ او گلبرگ کی منشیات و گٹکا ماوا فروشوں کے خلاف کارروائی سے علاقہ مکین نے خوشی کا اظہار کیا ہے ان کا کہنا ہے کہ ان منشیات فروشوں کی وجہ سے نئی نسل برباد ہورہی ہے اور ہمیں یقین ہے کہ منشیات و گٹکا ماوا فروشی میں ملوث جو دیگر مجرم ہیں جن میں آئس ڈیلر فائز، باسط عرف بسات اور دیگر کو بھی فلفور پکڑا جائے گا۔
.
ذریعہ
ذریعہ: Juraat
کلیدی لفظ: تھانہ گلبرگ
پڑھیں:
مولانا محمد علی جوہر یونیورسٹی کو بچانے کیلئے طلباء کا احتجاج جاری، ہزاروں طلباء کا احتجاج
طالب علم نے سوال کیا کہ اگر یونیورسٹی کے خلاف کارروائی ہوئی تو ہمارے مستقبل کی ذمہ داری کون لے گا، ہم صرف حکومت، ضلعی انتظامیہ اور عدالت سے اپیل کررہے ہیں کہ ہماری یونیورسٹی کو نہ گرایا جائے۔ اسلام ٹائمز۔ انتظامیہ نے جوہر یونیورسٹی کی 40 میں سے 38 عمارتوں کو منہدم کرنے کے احکامات جاری کئے ہیں۔ یونیورسٹی میں زیر تعلیم اور فارغ طلباء ان احکامات کی مخالفت میں سڑکوں پر آگئے ہیں۔ یونیورسٹی کے روبرو گزشتہ کئی دن سے طلباء احتجاج کررہے ہیں۔ احتجاج میں شریک بی اے ایل ایل بی کی تیسرے سال کی طالبہ لائبہ نے کہا کہ تمام طلبہ اپنے پرامن مظاہرے کو لے کر متحد ہیں اور جب تک ان کی اپیل کی سماعت نہیں ہو جاتی اپنا دھرنا جاری رکھیں گے۔ لائبہ نے کہا "یہ بلڈوزر صرف یونیورسٹی کی عمارتوں پر نہیں چلے گا، یہ ہمارے مستقبل، ہمارے خوابوں اور ہماری ڈگریوں کو کچل دے گا"۔ طالبہ نے زور دے کر کہا "ہر مسئلے کا حل ہوتا ہے لیکن یونیورسٹی کو گرانا اس کا حل نہیں ہے"۔ لائبہ نے بتایا کہ طلباء کا ابتدائی مطالبہ کونسلنگ کیمپ کو ہٹانے کا تھا، انتظامیہ نے اس کی درخواست پوری کر دی ہے۔
اب ان کی بنیادی فکر یونیورسٹی کی عمارتوں کو برقرار رکھنے کو یقینی بنانا ہے تاکہ ان کی تعلیم میں خلل نہ پڑے۔ ایک طالبہ نے کہا کہ بہت سے والدین نے یونیورسٹی کے نظام اور ماحول پر بھروسہ کرتے ہوئے اپنی بیٹیوں کا داخلہ یہاں کرایا ہے۔ انہوں نے کہا کہ اگر یونیورسٹی کے خلاف کارروائی کی گئی تو سب سے زیادہ نقصان ان طلبہ کا ہوگا جن کے اہل خانہ انہیں دوسرے شہر بھیجنے کو تیار نہیں۔ ایک طالب علم نے کہا "میں فی الحال اپنے تیسرے سال میں ہوں، پہلے ہی دو سال کی تعلیم مکمل کر چکا ہوں"۔ طالب علم نے سوال کیا کہ اگر یونیورسٹی کے خلاف کارروائی ہوئی تو ہمارے مستقبل کی ذمہ داری کون لے گا، ہم صرف حکومت، ضلعی انتظامیہ اور عدالت سے اپیل کر رہے ہیں کہ ہماری یونیورسٹی کو نہ گرایا جائے۔ فی الحال طلباء کا احتجاج جاری ہے کیونکہ وہ ضلعی انتظامیہ اور عدالت کے فیصلوں کا انتظار کر رہے ہیں۔ دیکھنا یہ ہے کہ انتظامیہ اس معاملے میں کیا فیصلہ کرے گی اور طلبہ کی جذباتی اپیل کے جواب میں کیا اقدامات کیے جائیں گے۔
دوسری جانب طلباء کی اس تحریک کو سماجوادی پارٹی کا ساتھ مل رہا ہے۔ امروہہ صدر کے ایس پی ایم ایل اے، سابق کابینہ وزیر، اور پبلک اکاؤنٹس کمیٹی کے موجودہ چیئرمین محبوب علی کو رام پور پہنچنے سے پہلے ہی پولیس نے جمعرات کو ان کی امروہہ کی رہائش گاہ پر روک لیا۔ اس کارروائی سے ایس پی کارکنوں میں خاصی ناراضگی پھیل گئی۔ حامیوں کی ایک بڑی تعداد ان کے گھر کے باہر احتجاج کے لیے جمع ہوئی اور حکومت کے خلاف شدید نعرے بازی کی۔ محبوب علی نے الزام لگایا کہ وہ جمعرات کو صبح 11 بجے کے قریب اپنے حامیوں کے ساتھ رام پور کے لیے روانہ ہونے والے تھے۔ ان کا منصوبہ تھا کہ وہ رات 12 بجے تک جوہر یونیورسٹی پہنچ جائیں گے۔ تاہم امروہہ پولیس اس سے پہلے ہی ان کی رہائش گاہ پر پہنچ گئی اور انہیں باہر نکلنے سے روک دیا۔
انہوں نے کہا کہ انہیں بغیر کوئی واضح وجہ بتائے اپنا گھر چھوڑنے کی اجازت دینے سے انکار کر دیا گیا۔ اس کارروائی کو جمہوری حقوق کی خلاف ورزی قرار دیتے ہوئے، ایس پی ایم ایل اے نے کہا کہ حکومت سیاسی مخالفین کی آوازوں کو دبانے کی کوشش کر رہی ہے۔ ان کا کہنا تھا کہ عوامی نمائندے کو پرامن سفر کرنے اور اپنے خیالات کا اظہار کرنے سے روکنا جمہوری نظام کے لیے نامناسب ہے۔ کارکنوں نے اس کارروائی کے خلاف احتجاج کیا اور حکومت کے خلاف نعرے لگائے اور اسے سیاسی انتقام کی کارروائی قرار دیا۔ صورتحال کو دیکھتے ہوئے پولیس کی بھاری نفری رہائش گاہ کے باہر متعین کر دی گئی تاکہ رونما ہونے والے واقعات پر نظر رکھی جا سکے۔
اس دوران محبوب علی نے بھی جوہر یونیورسٹی کے حوالے سے اپنے خیالات کا اظہار کیا۔ انہوں نے کہا کہ یونیورسٹی کی 38 عمارتوں کو گرانے کے مجوزہ اقدام کو فوری طور پر روکا جانا چاہیئے۔ انہوں نے مطالبہ کیا کہ اس پورے معاملے کا غیر جانبدارانہ اور شفاف جائزہ لیا جائے، اس بات کو یقینی بناتے ہوئے کہ تمام متعلقہ فریقین کو اپنا کیس پیش کرنے کا پورا موقع دیا جائے۔ انہوں نے اس بات پر زور دیا کہ کوئی بھی انتظامی یا قانونی کارروائی یونیورسٹی میں زیر تعلیم طلباء کو سب سے زیادہ متاثر کرتی ہے۔ اس لئے ان کی پڑھائی، امتحانات اور دیگر تعلیمی سرگرمیوں میں کسی بھی طرح رکاوٹ نہیں ڈالی جانی چاہیئے، کیونکہ کہ یہ صرف عمارتوں کا مسئلہ نہیں ہے بلکہ ہزاروں طلباء کے مستقبل کا سوال ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا