خیبر پختونخوا کے لوگوں کو تکلیف میں مبتلا کرنا کہاں کی عقلمندی ہے، ڈاکٹر عباد اللہ خان
اشاعت کی تاریخ: 17th, February 2026 GMT
خیبر پختونخوا اسمبلی میں اپوزیشن لیڈر ڈاکٹر عباداللہ خان نے میڈیا سے گفتگو کرتے ہوئے کہا ہے کہ صوبہ اس وقت انتہائی مشکل حالات سے گزر رہا ہے اور عوام شدید مشکلات کا شکار ہیں۔
انہوں نے کہا کہ 4 روز سے لوگ پریشان ہیں، مریض ایمبولینسوں میں دم توڑ رہے ہیں اور حکومت کوئی مؤثر اقدام نہیں کر رہی۔ ان کا کہنا تھا کہ خیبر پختونخوا کے عوام کا کیا قصور ہے جنہوں نے پی ٹی آئی کو تیسری مرتبہ ووٹ دیا، مگر آج وہی عوام اذیت میں مبتلا ہیں جبکہ قیادت اسلام آباد میں مصروف ہے اور عمران خان اڈیالہ جیل میں ہیں۔
امن و امان اور دہشتگردی کی صورتحالڈاکٹر عباداللہ خان نے کہا کہ ایک طرف پولیس دہشتگردوں سے لڑ رہی ہے اور جانی نقصان ہو رہا ہے، دوسری جانب صوبے میں دھماکوں اور حملوں کے واقعات پیش آ رہے ہیں۔ انہوں نے کرم، وزیرستان، بنوں اور باجوڑ میں ہونے والے دہشتگردی کے واقعات کا ذکر کرتے ہوئے کہا کہ ان واقعات پر کوئی جواب دہی نظر نہیں آتی۔
انہوں نے الزام عائد کیا کہ دہشتگردی کے خلاف جنگ جاری ہے، مگر حکومتی ترجیحات واضح نہیں اور حالات مزید بگڑ رہے ہیں۔
کاروبار اور مہنگائی پر اثراتاپوزیشن لیڈر نے کہا کہ سڑکوں کی بندش سے صوبے کی معیشت شدید متاثر ہوئی ہے۔ کاروبار ٹھپ ہو چکا ہے جبکہ رمضان قریب ہے اور مہنگائی میں اضافہ ہو رہا ہے۔ ان کے مطابق 20 کلو آٹے کا تھیلا 3 ہزار روپے سے تجاوز کر چکا ہے، جس سے عوام کی مشکلات مزید بڑھ گئی ہیں۔
عدالتی مداخلت اور امیدانہوں نے کہا کہ اسی صورتحال کے باعث انہیں عدالت کا دروازہ کھٹکھٹانا پڑا اور وہ پشاور ہائیکورٹ کے شکر گزار ہیں جس نے اس معاملے پر نوٹس لیا۔ انہوں نے امید ظاہر کی کہ مسئلے کا حل آج نکل آئے گا، بصورت دیگر عوام میں بے چینی مزید بڑھے گی۔
عوامی ردعمل کا خدشہڈاکٹر عباداللہ خان نے خبردار کیا کہ اگر صورتحال یہی رہی تو عوام خود سڑکوں پر نکل آئیں گے۔ انہوں نے دعویٰ کیا کہ ایبٹ آباد میں مقامی لوگوں نے خود سڑکیں کھولنے کی کوشش کی اور حالات تصادم کی طرف جا سکتے ہیں۔
ان کا کہنا تھا کہ قیادت کی عدم موجودگی اور واضح حکمت عملی نہ ہونے سے معاملات غلط سمت میں جا رہے ہیں، جو صوبے اور ملک دونوں کے لیے نقصان دہ ثابت ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: نے کہا کہ انہوں نے رہے ہیں ہے اور
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ