ڈپٹی کمشنرز کو اسکولوں کے اطراف ویپس اور منشیات کی فروخت پر کارروائی کا حکم
اشاعت کی تاریخ: 17th, February 2026 GMT
فائل فوٹو
حکومتِ سندھ کے محکمۂ اسکول ایجوکیشن و خواندگی نے صوبے بھر کے ڈپٹی کمشنرز کو ہدایت جاری کی ہے کہ اسکولوں کے اطراف قائم دکانوں اور کیفیز میں ویپس (الیکٹرک سگریٹس) اور دیگر ممنوعہ منشیات کی فروخت کے خلاف فوری اور مؤثر کارروائی کی جائے۔
محکمے کی جانب سے جاری کردہ نوٹیفکیشن میں کہا گیا ہے کہ معائنہ و نگرانی کمیٹیوں نے مختلف نجی اسکولوں کے دوروں کے دوران یہ مشاہدہ کیا کہ اسکولوں کے قریب واقع بعض دکانیں اور کیفیز کم عمر طلبہ کو ویپ مصنوعات اور دیگر ممنوعہ منشیات فروخت کر رہے ہیں، جو قانوناً ممنوع ہے۔
نوٹیفکیشن کے مطابق اسکولوں میں قائم اسکریننگ کمیٹیاں معمول کے مطابق طلبہ کے بیگز اور ذاتی سامان کی جانچ کرتی ہیں، جن کے دوران بعض طلبہ کے قبضے سے ویپ ڈیوائسز برآمد ہوئیں۔ طلبہ نے انکشاف کیا کہ یہ مصنوعات انہوں نے اسکولوں کے قریب واقع دکانوں اور کیفیز سے خریدی تھیں۔
نوٹفکیشن میں کہا گیا ہے کہ خاص طور پر جماعت نہم تا بارہویں کے طلبہ اسکول کے بعد قریبی کیفیز میں جمع ہوتے ہیں جہاں مختلف اقسام کی منشیات باآسانی دستیاب ہیں۔ چونکہ یہ کیفیز اسکول کی حدود سے باہر واقع ہیں، اس لیے اسکول انتظامیہ طلبہ کو وہاں جانے سے روکنے میں بے بس نظر آتی ہے۔
نوٹیفکیشن میں ڈپٹی کمشنرز سے کہا گیا ہے کہ وہ ان کیفیز اور دکانوں کی باقاعدہ نگرانی اور معائنہ کا بندوبست کریں تاکہ اسکول جانے والے بچوں کو منشیات کی فروخت روکی جا سکے، جبکہ ضرورت پڑنے پر ایسے کیفیز کو تعلیمی اداروں کے اطراف سے منتقل بھی کیا جائے
.
ذریعہ
ذریعہ: Jang News
کلیدی لفظ: اسکولوں کے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا