نئے آئی جی آزاد کشمیر لیاقت علی کی سادہ کپڑوں میں کوہالہ آمد، ناکے پر پولیس اہلکار پہچان نہ سکے
اشاعت کی تاریخ: 17th, February 2026 GMT
نئے تعینات ہونے والے انسپکٹر جنرل پولیس آزاد کشمیر کیپٹن(ر) لیاقت علی نے سادگی اور عاجزی کی ایک نئی مثال قائم کردی۔
لیاقت علی بغیر کسی پروٹوکول اور سرکاری گاڑیوں کے قافلے کے آزاد کشمیر میں داخل ہوئے، جہاں کوہالہ پل پر قائم پولیس ناکے پر موجود اہلکاروں نے انہیں ایک عام شہری سمجھ کر روک لیا۔
یہ بھی پڑھیں: آئی جی آزاد کشمیر سہیل حبیب تاجک کو عہدے سے ہٹا دیا گیا، عبدالجبار نئے آئی جی تعینات
میڈیا رپورٹس کے مطابق نئے آئی جی آزادکشمیر کیپٹن ریٹائر لیاقت علی عام لباس میں ناکے پر موجود پولیس اہلکاروں کے ساتھ گھل مل گئے، اس موقع پر پولیس اہلکاروں کو یہ علم نہیں تھا کہ وہ جس شخص سے بات کر رہے ہیں وہ آزاد کشمیر کے نئے سربراہِ پولیس ہیں۔
جب کیپٹن(ر) لیاقت علی نے خود تعارف کرواتے ہوئے بتایا کہ وہ بطور آئی جی آزاد کشمیر چارج لینے آ رہے ہیں تو ناکے پر موجود اہلکار حیرت زدہ رہ گئے، پولیس اہلکاروں کا کہنا ہے کہ وہ اس بات پر دنگ رہ گئے کہ آزاد کشمیر کے نئے آئی جی نہایت سادہ مزاج، خوش اخلاق اور عام پولیس جوانوں جیسی طبیعت کے حامل ہیں۔
اس موقع پر کیپٹن ریٹائرڈ لیاقت علی نے اہلکاروں سے گفتگو کرتے ہوئے کہا کہ ان کی اولین ترجیح پولیس فورس کے مسائل کا حل ہے اور سب سے پہلے پولیس کے جوانوں اور افسران کو درپیش مشکلات اور پریشانیوں کو دور کیا جائے گا اس کے بعد دیگر انتظامی امور پر توجہ دی جائے گی۔
یہ بھی پڑھیں: بیرسٹر سلطان محمود کا انتقال: آزاد کشمیر کے نئے صدر کے لیے لابنگ جاری، ہما کس کے سر بیٹھے گا اور عہدے کی مدت کتنی ہوگی؟
لیاقت علی کو پولیس فورس میں ایک ایسے افسر کے طور پر جانا جاتا ہے جو اپنے جوانوں کے ساتھ مضبوط تعلق رکھتے ہیں، وہ نہ صرف جوانوں میں مقبول ہیں بلکہ کئی مواقع پر افسران کے مقابلے میں جوانوں میں زیادہ پسند کئے جاتے ہیں۔ ان کا یہ رویہ انہیں ایک عوام دوست اور فورس دوست پولیس سربراہ کے طور پر نمایاں کرتا ہے۔
نئے آئی جی آزاد کشمیر کی اس سادہ اور غیر رسمی آمد نے فورس کے حوصلے جہاں بلند کئے وہیں یہ پیغام بھی دیا کہ قیادت اہلکاروں کے درمیان رہ کر مسائل حل کرنے پر یقین رکھتی ہے، نہ کہ صرف پروٹوکول اور اختیارات کے ذریعے۔
دوسری جانب آئی جی آزادکشمیر کیپٹن ریٹائرڈ لیاقت علی آزادکشمیر پہنچتے ہی پولیس اہلکاروں کے ساتھ گھل مل گئے تاہم وہاں پر موجود شہریوں نے بھی استقبال کیا اور نئے تعینات آئی جی نے شہریوں کو بھی گلے لگایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی جی آزاد کشمیر پاکستان پولیس سادگی کوہالہ چوکی کیپٹن(ر) لیاقت علی.
ذریعہ
ذریعہ: WE News
کلیدی لفظ: پاکستان پولیس سادگی پولیس اہلکاروں لیاقت علی کشمیر کی ناکے پر پولیس ا
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا