محسن نقوی عمران خان کی رہائی چاہتے تھے، بانی کا سنگجانی پر رکنے کا حکم نہ مان کر ہم تباہ ہوگئے، علی امین گنڈاپور
اشاعت کی تاریخ: 17th, February 2026 GMT
سابق وزیراعلیٰ خیبرپختونخوا علی امین گنڈاپور نے کہا ہے کہ وزیر داخلہ محسن نقوی عمران خان کی رہائی چاہتے تھے، ہم نومبر 2024 میں عمران خان کا سنگجانی پر رکنے کا حکم نہ مان کر تباہ ہوگئے۔
نجی ٹی وی سے گفتگو کرتے ہوئے انہوں نے کہاکہ عمران خان سے فائنل ملاقات میں میرے ساتھ بیرسٹر گوہر بھی تھے، میں نے جب ان سے بات کی تو انہوں نے کہاکہ میں پاکستان کی خاطر مذاکرات کرنے کے لیے تیار ہوں۔
مزید پڑھیں: عمران خان نے کہہ کر بھیجا ہے بہنوں کو کہو میرے لیے آواز اٹھائیں، علیمہ خان
انہوں نے کہاکہ 25 نومبر کو بیرسٹر گوہر کی عمران خان سے ملاقات ہوئی تو انہوں نے کہا کہ سنگجانی پر رک جائیں، لیکن ہم نے حکم عدولی کی اور وہیں سے تباہی کا آغاز ہوا۔
علی امین گنڈاپور نے دعویٰ کیاکہ اس وقت مجھ سے کہا گیا تھا تم بھی تھک رہے ہو ہم بھی تھک رہے ہیں چلو بیٹھ کر بات کر لیتے ہیں۔
سابق وزیراعلیٰ نے کہاکہ 5 اکتوبر کے احتجاج کے بعد عمران خان کی شرائط پر مذاکرات ہوئے، اور ٹی او آرز تک بن چکے تھے۔ ’مریم وٹو کو کچھ پتا نہیں، میں نے ان کے بیان پر بشریٰ بی بی سے پوچھا تو بی بی نے کہا، اسے دفع کرو، یہ اس کی اوقات ہے۔‘
علی امین گنڈاپور نے کہاکہ پارٹی میں کچھ گروپس ایک دوسرے پر تنقید اور بیانات کو توڑ مروڑ کر پیش کرتے ہیں، اور ایک ایجنڈے کے تحت مہم چلائی جاتی ہے۔
انہوں نے کہاکہ مذاکرات کے حوالے سے محسن نقوی کی بھرپور کوشش تھی کہ عمران خان کی رہائی ہو، 5 اکتوبر کو ہم رکاوٹیں ہٹا کر ڈی چوک پہنچ گئے تھے، پھر پریشر بنا اور حکومت ہل گئی۔
علی امین گنڈاپور نے کہاکہ عمران خان نے مذاکرات کے لیے محمود اچکزئی اور علامہ ناصر عباس کو مینڈیٹ دیا ہے، تحریک انصاف کی موجودہ قیادت کے ساتھ ہوں اللہ کرے ان کی وجہ سے عمران خان کی رہائی ہو جائے۔
ایک سوال کے جواب میں انہوں ںے کہاکہ سلمان اکرم راجا کون ہوتا ہے مجھ سے حساب لینے والا۔ ’پہلے میری قربانیوں کا حساب کریں پھر میرے بیان پر حساب لیں۔‘
علی امین گنڈاپور نے کہاکہ جب بھی بات کی عمران خان کے لیے کی اور آئندہ بھی اگر کروں گا تو عمران خان کے لیے ہی کروں گا، میرا کوئی ذاتی ایجنڈا نہیں۔
مزید پڑھیں: تحریک تحفظِ آئین پاکستان نے محسن نقوی کی پریس کانفرنس کو گمراہ کن قرار دیدیا، حکومت سے 4 اہم مطالبات
انہوں نے مزید کہاکہ ایک وقت تھا جب ہم عمران خان کی رہائی کے لیے بڑے بڑے جلسے کررہے تھے، میں نے جب احتجاج کیے مخالفین میں سے کوئی بھی نہیں آیا۔ مجھے کسی سے گلہ نہیں، نہ کسی سے سوال کرنا چاہتا ہوں۔
ایک اور سوال کے جواب میں انہوں نے کہاکہ عمران خان کو باہر آنے دیں پھر میں بتاؤں گا میری کتنی اوقات ہے اور علیمہ خان کی کتنی، میں نے بہنوں کے سامنے ترلہ کیاکہ عمران خان کو باہر آنے دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پارٹی گروپ بندی علی امین گنڈاپور عمران خان رہائی محسن نقوی مذاکرات وزیر داخلہ وی نیوز.
ذریعہ
ذریعہ: WE News
کلیدی لفظ: پارٹی گروپ بندی علی امین گنڈاپور عمران خان رہائی محسن نقوی مذاکرات وزیر داخلہ وی نیوز علی امین گنڈاپور نے کہا عمران خان کی رہائی انہوں نے کہاکہ انہوں نے کہا محسن نقوی کے لیے
پڑھیں:
بلوچستان میں پیش آنیوالے پے درپے دہشتگردی کے واقعات افسوسناک ہیں، علامہ مقصود ڈومکی
اپنے بیان میں ایم ڈبلیو ایم رہنماء علامہ مقصود ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جسکا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی صدر علامہ مقصود علی ڈومکی نے ببرلو بائی پاس پر پریا کماری سمیت لاپتا و مغوی بچوں کی بازیابی کے لئے جاری پرامن دھرنے پر پولیس کے کریک ڈاؤن، خواتین پر تشدد، ان کی بے حرمتی، بزرگ رہنماء لیاقت جلبانی، سوہنی پارس، صحافی ساحل جوگی اور متعدد مظاہرین کی گرفتاری کی شدید الفاظ میں مذمت کرتے ہوئے کہا ہے کہ اپنے بچوں کی بازیابی کے لئے سراپا احتجاج مظلوم والدین، خصوصاً ماؤں پر طاقت کا استعمال انتہائی افسوسناک، غیر انسانی اور قابل مذمت ہے۔ انہوں نے کہا کہ حکومت سندھ احتجاج کرنے والے مظلوم خاندانوں پر تشدد کرنے کے بجائے پریا کماری سمیت تمام مغوی بچوں اور بچیوں کی فوری اور محفوظ بازیابی کو یقینی بنائے، گرفتار افراد کو فوری رہا کرے اور صحافیوں کے آئینی و قانونی حقوق کا احترام کرے۔ انہوں نے کہا کہ پرامن احتجاج ہر شہری کا آئینی حق ہے اور اس حق کو طاقت کے ذریعے سلب نہیں کیا جا سکتا۔
علامہ مقصود ڈومکی نے بلوچستان کے ضلع مستونگ میں دہشت گردی کے افسوسناک واقعے کی بھی شدید مذمت کرتے ہوئے سیشن جج عبدالحکیم کاکڑ اور ان کے پولیس محافظ کی شہادت پر گہرے رنج و غم کا اظہار کیا اور زخمی جج طارق علی لاشاری کی جلد و مکمل صحت یابی کے لئے دعا کی۔ انہوں نے کہا کہ گزشتہ کئی دہائیوں سے بلوچستان میں پیش آنے والے پے درپے دہشت گردی کے واقعات افسوسناک ہیں، اس ہفتے ژوب سے سفر کرنے والے خاندان پر حملہ، کوئٹہ سے کراچی جانے والی مسافر کوچ کا المناک سانحہ اور مستونگ میں سیشن جج عبدالحکیم کاکڑ کی شہادت شامل ہیں، صوبے میں امن و امان کی انتہائی تشویشناک صورتحال کی عکاسی کرتے ہیں۔
علامہ مقصود علی ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جس کا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ گزشتہ کئی دہائیوں کے آپریشنز سے نہ امن قائم ہوا، نہ دہشت گردی ختم ہوئی اور نہ ہی مسائل کا مستقل حل نکلا، لہٰذا اب وقت آ گیا ہے کہ حکومت طاقت کی پالیسی ترک کرکے سیاسی مکالمے، مفاہمت اور سنجیدہ مذاکرات کا راستہ اختیار کرے۔ انہوں نے مطالبہ کیا کہ پاکستان کے عوام کے حقیقی منتخب نمائندوں کو ان کا آئینی و جمہوری حق دیا جائے، عوامی مینڈیٹ کا احترام کیا جائے اور تمام سیاسی و سماجی اسٹیک ہولڈرز کے ساتھ نتیجہ خیز مذاکرات کئے جائیں۔ انہوں نے کہا کہ انصاف، سیاسی شمولیت اور عوام کے اعتماد کی بحالی ہی بلوچستان میں پائیدار امن کی ضمانت ہے، جبکہ دہشت گردی کے واقعات کی روک تھام کے لئے شہریوں کے جان و مال کا تحفظ ریاست کی اولین ذمہ داری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا