سپریم کورٹ میں بانی پی ٹی آئی عمران خان کے 6 اہم کیسز کی آج سماعت ہوگی
اشاعت کی تاریخ: 18th, February 2026 GMT
سپریم کورٹ میں آج بانی پی ٹی آئی عمران خان سے متعلق 6 اہم مقدمات سمیت متعدد درخواستوں پر سماعت ہوگی۔
اسی طرح بشریٰ بی بی کے ایک جبکہ شاہ محمود قریشی کے بھی ایک کیس کی سماعت آج ہی کے دن مقرر ہے۔
مقدمات کی سماعت جسٹس محمد ہاشم خان کاکڑ کی سربراہی میں سپریم کورٹ کا 3 رکنی بینچ کرے گا، جس میں جسٹس صلاح الدین پنہور اور جسٹس اشتیاق ابراہیم شامل ہیں۔
چیف جسٹس یحییٰ آفریدی نے 9 فروری کو ان مقدمات کی سماعت کے لیے 3 رکنی بینچ تشکیل دینے کی ہدایت کی تھی۔
آج ہونے والی سماعتوں میں توشہ خانہ فوجداری کیس بھی شامل ہے، جس میں اسلام آباد ہائیکورٹ کے اس فیصلے کے خلاف اپیل زیر سماعت آئے گی جس میں سزا معطل کی گئی تھی، جبکہ فیصلہ معطل نہیں کیا گیا تھا۔
اسی طرح بانی تحریک انصاف اور بشریٰ بی بی کی ضمانت کے خلاف پنجاب حکومت کی جانب سے دائر اپیل پر بھی سماعت ہوگی، سائفر کیس میں بانی پی ٹی آئی اور شاہ محمود قریشی کی بریت کے خلاف اپیل بھی آج سماعت کے لیے مقرر ہے۔
9 مئی لاہور مقدمات میں بانی پی ٹی آئی کی ضمانت کے خلاف سرکاری اپیل بھی آج ہی سنی جائے گی۔ علاوہ ازیں ہتک عزت کیس میں شہباز شریف کے خلاف بانی پی ٹی آئی کی جانب سے دائر اپیلوں پر بھی عدالت عظمیٰ میں سماعت ہوگی۔
ان اہم مقدمات کی سماعت کے باعث آج سپریم کورٹ میں غیر معمولی سیکیورٹی انتظامات کیے جانے کا امکان ہے، جبکہ سیاسی حلقوں کی نظریں بھی عدالتی کارروائی پر مرکوز ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سپریم کورٹ عمران خان.
ذریعہ
ذریعہ: WE News
کلیدی لفظ: سپریم کورٹ بانی پی ٹی آئی سپریم کورٹ سماعت ہوگی کی سماعت کے خلاف
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا